தூத்துக்குடி நீதிமன்றத்திற்கு வெடிகுண்டு மிரட்டல்: நிபுணர்கள் தீவிர சோதனை

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி நீதிமன்றத்திற்கு வெடிகுண்டு மிரட்டல்: நிபுணர்கள் தீவிர சோதனை

செவ்வாய் 17, பிப்ரவரி 2026 3:09:03 PM (IST)

தூத்துக்குடி நீதிமன்ற வளாகத்தில் 12 இடங்களில் வெடிகுண்டு வெடிக்கும் என மின்னஞ்சல் மூலம் மிரட்டல் விடுக்கப்பட்ட சம்பவம் பெரும் பரபரப்பை ஏற்படுத்தியுள்ளது.

தமிழகத்தில் சமீபகாலமாக பள்ளிகள், விமான நிலையங்கள் மற்றும் மருத்துவமனைகளுக்கு மின்னஞ்சல் மற்றும் தொலைபேசி வாயிலாக வெடிகுண்டு மிரட்டல்கள் வருவது தொடர்கதையாகி உள்ளது. கடந்த சில நாட்களுக்கு முன்பு விருதுநகர் நீதிமன்றத்தில் மர்மப் பொருள் வெடித்த சம்பவம் மாநிலம் முழுவதும் அதிர்ச்சியை ஏற்படுத்தியது.

இந்தச் சூழலில், இன்று முற்பகல் தூத்துக்குடி நீதிமன்றத்திற்கு மர்ம நபர் ஒருவர் மின்னஞ்சல் ஒன்றை அனுப்பியுள்ளார். அதில், மதியம் 12:20 மணி அளவில் நீதிமன்ற வளாகத்தின் 12 வெவ்வேறு இடங்களில் வெடிகுண்டுகள் வெடிக்கும் எனத் தெரிவிக்கப்பட்டிருந்தது.

மிரட்டல் குறித்து நீதிமன்ற ஊழியர்கள் உடனடியாக காவல்துறைக்கு தகவல் அளித்தனர். இதனைத் தொடர்ந்து வெடிகுண்டு கண்டறியும் நிபுணர்கள் மற்றும் மோப்ப நாய் படை பிரிவினர் சம்பவ இடத்திற்கு விரைந்தனர். நீதிமன்ற வளாகம் முழுவதும் மற்றும் நீதிபதிகள் குடியிருப்புகளில் தீவிர சோதனை மேற்கொள்ளப்பட்டது.

நீதிமன்றப் பணிகள் தற்காலிகமாக நிறுத்தப்பட்டு, பாதுகாப்பு பலப்படுத்தப்பட்டது. நீண்ட நேர சோதனைக்குப் பிறகு, சந்தேகத்திற்கிடமான பொருட்கள் எதுவும் கண்டறியப்படவில்லை. இதனால் இந்த மிரட்டல் வெறும் புரளி என்பது உறுதி செய்யப்பட்டது. இருப்பினும், மின்னஞ்சல் அனுப்பிய மர்ம நபரை சைபர் க்ரைம் போலீஸார் தீவிரமாகத் தேடி வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: