தூத்துக்குடி மேலூர் ரயில் நிலையத்தில் அனைத்து ரயில்களும் நிறுத்தம்: பாஜக நன்றி

தூத்துக்குடி மேலூர் ரயில் நிலையத்தில் அனைத்து ரயில்களும் நின்று செல்ல வேண்டும் என மத்திய ரயில்வே அமைச்சர் உத்தரவிட்டுள்ளார். 

வர்த்தக நகரமான தூத்துக்குடியில் உள்ள பழைய பேருந்து நிலையம் மற்றும் புதிய பேருந்து நிலையம் ஆகிய இரண்டையும் இணைக்கும் வகையில் புதிதாக அமைக்கப்பட்ட மேலூர் ரயில் நிலையத்திற்கு வரும் அனைத்து ரயில்களும் பொதுமக்கள் பயன்பெறும் வகையில் நின்று செல்ல வேண்டும் என பாரதிய ஜனதா கட்சி, தெற்கு மாவட்ட  தலைவர் சித்ராங்கதன் சார்பில் மத்திய தகவல் ஒளிபரப்பு மற்றும் பாராளுமன்ற விவகாரத்துறை இணையமைச்சர்  எல்.முருகனிடம் கோரிக்கை விடுக்கப்பட்டது.

இந்த கோரிக்கையை ஏற்று, மத்திய ரயில்வே அமைச்சர் அஸ்வினி வைஷ்ணவிடம் இது தொடர்பாக நடவடிக்கை எடுக்க பரிந்துரை செய்யப்பட்டது. அதன் அடிப்படையில், தூத்துக்குடி மேலூர் ரயில் நிலையத்தில் அனைத்து ரயில்களும் நின்று செல்ல வேண்டும் என மத்திய ரயில்வே அமைச்சர் உத்தரவிட்டுள்ளார். 

இதன் மூலம் பொதுமக்கள், வணிகர்கள், தொழிலாளர்கள், மாணவர்கள் உள்ளிட்ட பல்வேறு தரப்பினரும் பெரிதும் பயன்பெறுவார்கள்.  இந்த மக்கள்நல முடிவை எடுத்த மத்திய ரயில்வே அமைச்சர்  அஸ்வினி வைஷ்ணவ் அவர்களுக்கும், பரிந்துரை செய்த மத்திய இணையமைச்சர்  டாக்டர் எல்.முருகன் அவர்களுக்கும் தூத்துக்குடி பாரதிய ஜனதா கட்சியின் சார்பில் நன்றியை தெரிவித்துக் கொள்வதாக தெரிவித்தனர்.