இந்திய மருத்துவ சங்கம் சார்பில் மரம் நடும் விழா!

தூத்துக்குடியில் இந்திய மருத்துவ சங்கம் மற்றும் ஆல் கேன் டிரஸ்ட் சார்பில் மரம் நடும் விழா நடைபெற்றது.

தூத்துக்குடி நகரை பசுமையாக்கும் திட்டத்தின் கீழ் ஆல் கேன் டிரஸ்ட் சார்பில் வாரம்தோறும் மரக்கன்றுகள் நடும் விழா நடந்து வருகிறது. இந்நிலையில் இன்று தூத்துக்குடி இந்திய மருத்துவர்கள் சங்கம் இணைந்து மரக்கன்று நடும் விழா தூத்துக்குடி  பிரையன்ட் நகர் 6வது தெருவில் நடந்தது. நிகழ்ச்சிக்கு டிரஸ்ட் தலைவர் அரசு வழக்கறிஞர் மோகன்தாஸ் சாமுவேல் தலைமை தாங்கினார்.

இந்திய மருத்துவ சங்க தலைவர் டாக்டர் சரவணன் செயலாளர் சிவசைலம், தூத்துக்குடி அரசு மருத்துவமனை உறைவிட மருத்துவர் சைலஸ் ஜெபமணி ஆகியோர் சிறப்பு விருந்தினராக கலந்து கொண்டு மரங்களை நட்டனர். 20-க்கும் மேற்பட்ட மரங்கள் நடப்பட்டன. இந்நிகழ்ச்சியில் டாக்டர்கள் தனுஷ்கோடி, கைலாசம், நவீன், முத்தழகு, மற்றும் டிரஸ்ட் உறுப்பினர்கள் கேசவன், செந்தில், கோவிந்தன், பிரபாகர், ஆசீர்வாதம், ஐயப்பன், ரகுபதி, அருள், நாராயணன், ஆனந்தராஜ் உள்பட பலர் கலந்து கொண்டனர்