தூத்துக்குடி தர்காவில் கந்தூரி விழா துவங்கியது!

தூத்துக்குடி ஜாமியா பள்ளிவாசல் வளாகத்தில் உள்ள முத்துநகர் மஹான் ஷேகு நூஹு ஒலி அப்பா தர்கா கந்தூரி விழா கொடியேற்றத்துடன் துவங்கியது.‌

தூத்துக்குடியில் உள்ள பழமை வாய்ந்த ஜாமியா பள்ளிவாசல் வளாகத்தில் உள்ள முத்துநகர் மஹான் ஷேகு நூஹு ஒலி அப்பா தர்கா கந்தூரி விழா ஆண்டுதோறும் வெகு சிறப்பாக நடைபெறும். இந்த ஆண்டு கந்தூரி விழா கொடியேற்றத்துடன் துவங்கியது. ஜெயலானி தெருவில் உள்ள பீர் முஹம்மது அப்பா தர்காவிலிருந்து ஜாமியா பள்ளிவாசல் நிர்வாக கமிட்டி தலைவர் மிராசா மரைக்காயர் தலைமையில் கொடி ஊர்வலமாக மகான் ஷேகு நூஹு ஒலி அப்பா தர்காவுக்கு கொண்டுவரப்பட்டது.

பின்னர் நாட்டில் இயற்கை சீற்றங்களில் இருந்து மக்களை பாதுகாத்திட மன்பவுஸ்ஸலாஹ் அரபிக் கல்லூரி துணை முதல்வர் அஸ்ரார் அஹமது, ஜாமியா பள்ளிவாசல் இமாம் சதக்கத்துல்லா, ஆகியோர் சிறப்பு துவா ஓதினார். இதைதொடர்ந்து தர்காவில் கொடியேற்றப்பட்டது.

இந்த நிகழ்ச்சியில் ஜாமியா பள்ளிவாசல் நிர்வாக சபை செயலாளர் எம் எஸ் எப் ரகுமான், துணைத் தலைவர் சாகுல் சிராஜுதீன், பொருளாளர் இப்ராகிம் மூசா, கிரசன்ட் பள்ளி செயலாளர் முஹம்மது, உவைஸ், மன்பவுஸ்ஸலாஹ் அரபிக் கல்லூரி முதல்வர் இம்தாதுல்லாஹ், மாவட்ட அரசு காஜி முஜிபுர் ரகுமான், ஜாமியா பள்ளிவாசல் தலைமை இமாம் அப்துல் அழிம், அரபிக் கல்லூரி தலைவர் நவரங் சகாப்தின், பேராசிரியர்கள் இஸ்மாயில், செய்யது அப்பாஸ், அப்துல் கனி, ஜாமியா பள்ளிவாசல் நிர்வாக சபை உறுப்பினர் ஆடிட்டர் ஜூபைர், முஸ்லிம் சமுதாய சங்கத் தலைவர் ஏகே மைதீன், மற்றும் இஸ்லாமிய பெண்கள் இஸ்லாமியர்கள் உள்ளிட்ட ஏராளமானோர் கலந்து கொண்டனர். முடிவில் அனைவருக்கும் நேர்ச்சை வழங்கப்பட்டது.