பஸ் ஸ்டாப் அருகே ஒருவர் தற்கொலை : போலீஸ் விசாரணை!

தூத்துக்குடி தெர்மல் நகர் பஸ் ஸ்டாப் அருகே ஒருவர் தற்கொலை செய்து கொண்டது தொடர்பாக போலீசார் விசாரணை நடத்தி வருகின்றனர். 

தூத்துக்குடி தெர்மல் நகர் பஸ் ஸ்டாப் அருகில் உள்ள ஒரு கடை பின்புறம் கழுத்தில் கயிறு இறுக்கிய நிலையில் ஆண் சடலம் கிடைப்பதாக தெர்மல் நகர் காவல் நிலையத்திற்கு தகவல் கிடைத்தது. இதையடுத்து போலீசார் சம்பவ இடத்திற்கு சென்று சடலத்தை மீட்டு பரிசோதனைக்கு அனுப்பி வைத்தனர். விசாரணையில் அவர் தூத்துக்குடி தெர்மல் நகர் காதர் மீரான் நகரை சேர்ந்த முத்துராமலிங்கம் மகன் உமையராஜ் (57) என்று தெரியவந்தது.

மேலும், உமையராஜ் கோவில்பிள்ளை நகரைச் சேர்ந்த மந்திமூர்த்தி என்பவரிடம் வேலை பார்த்து வந்தார். உமையராஜ் பணத்தை திருடியதாக மந்திரமூர்த்தி குற்றம்சாட்டினாராம். இதனால் மனவேதனையடைந்த அவர் தூக்கு போட்டு தற்கொலை செய்துள்ளார். கயிறு அறுந்த நிலையில் அவர் கீழே இறந்து கிடந்துள்ளார் என தெரியவந்துள்ளது. இந்த சம்பவம் குறித்து இன்ஸ்பெக்டர் (பொறுப்பு) ஹேமலதா விசாரணை நடத்தி வருகிறார்.