திருச்செந்தூர் கோவிலில் யானை தாக்கி 2பேர் பலி: பக்தர்கள் அதிர்ச்சி!!

» செய்திகள் - விளையாட்டு » மாவட்ட செய்தி (தூத்துக்குடி)

திருச்செந்தூர் கோவிலில் யானை தாக்கி 2பேர் பலி: பக்தர்கள் அதிர்ச்சி!!

திங்கள் 18, நவம்பர் 2024 4:25:01 PM (IST)

திருச்செந்தூர் கோவிலில் யானை மிதித்து பாகன் உட்பட 2பேர் உயிரிழந்த சம்பவம் பக்தர்கள் மத்தியில் அதிர்ச்சியை ஏற்படுத்தியுள்ளது.

முருகப் பெருமானின் அறுபடை வீடுகளுள் இரண்டாவது படை வீடாகத் திகழ்வது திருச்செந்தூர் சுப்பிரமணிய சுவாமி கோவில். பிரசித்தி பெற்ற இந்த கோவிலில் தெய்வானை என்ற யானை வளர்க்கப்பட்டு வருகிறது. திருச்செந்தூர் வஉசி நகரைச் சேர்ந்த சதாசிவம் மகன் உதயகுமார் (45) என்பவர் யானையின் பாகனாக உள்ளார்.

இந்த நிலையில், உதயகுமார், தனது உறவினரான நாகர்கோவில் பகுதியைச் சேர்ந்த சிசுபாலன் (58) என்பவருடன் யானைக்கு பழம் கொடுக்க சென்றுள்ளார். அப்போது யானை அவரைப் பார்த்து மிரண்டு அவரை தாக்க முயன்றதாக கூறப்படுகிறது. இதனை தடுக்க முயன்ற உதயகுமாரையும், உறவினர் சிசுபாலன் என்பவரையும் தாக்கியது. இதில் சிசுபாலன் சம்பவ இடத்திலேயே உயிரிழந்தார்.

படுகாயமடைந்த யானைப் பாகன் உதயகுமார், திருச்செந்தூர் அரசு மருத்துவமனைக்கு கொண்டு செல்லப்பட்டார். அங்கு சிகிச்சை பலனின்றி உயிரிழந்தார். இந்த சம்பவம் குறித்து திருச்செந்தூர் கோவில் காவல் நிலைய போலீசார் விசாரணை நடத்தி வருகின்றனர். யானை மிதித்து பாகன் உட்பட 2 பேர் உயிரிழந்த சம்பவம் திருச்செந்தூரில் பக்தர்கள் மத்தியில் அதிர்ச்சியையும், சோகத்தையும் ஏற்படுத்தியுள்ளது.

மக்கள் கருத்து

கடவுள் பக்தன்Nov 19, 2024 - 09:47:12 AM | Posted IP 162.1*****

காட்டில் சந்தோசமாக வாழும் விலங்குகளை சிறைப்படுத்தி வைப்பது பெரும் தவறு தான், மிருகங்களை வைத்து பணத்தை சம்பாதிக்கும் மனித மிருகங்கள். தயவு செய்து காட்டில் விட்டு விடுங்கள் .

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

திருச்செந்தூர் கோவிலில் யானை தாக்கி 2பேர் பலி: பக்தர்கள் அதிர்ச்சி!!

» செய்திகள் - விளையாட்டு » மாவட்ட செய்தி (தூத்துக்குடி)