மின்சாரம் தாக்கி வாலிபர் பரிதாப சாவு..!

கடம்பூரில் திருமண வீட்டில் டியூப் லைட் கட்டும்போது மின்சாரம் தாக்கி வாலிபர் பரிதாபமாக உயிரிழந்தார். 

தூத்துக்குடி மாவட்டம் கடம்பூர் அருகே உள்ள நெச்சிகுளம் கிராமம் வடக்கு தெருவைச் சேர்ந்தவர் அய்யனார் மகன் அழகுதுரை (19). இவர் அங்குள்ள சவுண்ட் சர்வீஸ் கடையில் வேலை பார்த்து வருகிறார். சம்பவத்தன்று கடம்பூரில் நடந்த திருமண வீட்டு நிகழ்ச்சியில் பந்தலில் டியூப் லைட் கட்டிக் கொண்டிருந்தபோது திடீரென மின்சாரம் தாக்கி சம்பவ இடத்திலேயே பரிதாபமாக இறந்தார். இந்த சம்பவம் குறித்து கடம்பூர் காவல் நிலைய இன்ஸ்பெக்டர் முத்துமணி வழக்கு பதிவு செய்து விசாரணை நடத்தி வருகிறார்.