கோவில்பட்டியில் தவறி விழுந்து வாலிபர் சாவு!

கோவில்பட்டியில் சுவர் ஏறிக் குதித்த போது தவறி விழுந்து காயம் அடைந்த வாலிபர் சிகிச்சை பலனின்றி இறந்தார்.

தூத்துக்குடி மாவட்டம், கோவில்பட்டி நடராஜபுரம் பகுதியைச்  சேர்ந்தவர் அருணாசலம் மகன் மஞ்சுநாதன் (33), இவர் கோவில்பட்டியில் உள்ள அரசு கலைக்கல்லூரி மாணவர்கள் விடுதியில் சுவர் ஏறி குதித்ததாக கூறப்படுகிறது. இதில் பலத்த காயம் அடைந்த அவர் கோவில்பட்டி அரசு மருத்துவமனையில் சேர்க்கப்பட்டார். அங்கு சிகிச்சை பலனளிக்காமல் பரிதாபமாக இறந்தார். இந்த சம்பவம் குறித்து கோவில்பட்டி மேற்கு காவல் நிலைய இன்ஸ்பெக்டர் கிங்ஸ்லி தேவானந்த் வழக்கு பதிவு செய்து விசாரணை நடத்தி வருகிறார்.