பிரபல இசையமைப்பாளர் அனிருத் ரவிச்சந்தர் மற்றும் சன் குழுமத் தலைவர் கலாநிதி மாறனின் மகள் காவ்யா மாறன் ஆகியோரின் திருமணம் வரும் நவம்பர் 10 மற்றும் 11 ஆகிய தேதிகளில் கிரீஸ் நாட்டில் கோலாகலமாக நடைபெறவுள்ளது.
நெருங்கிய உறவினர்கள் மற்றும் முக்கியப் பிரமுகர்கள் மட்டுமே பங்கேற்கும் இந்தச் சிறப்புமிக்க திருமண நிகழ்வில் கலந்துகொள்வதற்காக, திமுக தலைவரும் முன்னாள் முதலமைச்சருமான மு.க. ஸ்டாலின், துர்கா ஸ்டாலின், அமைச்சர் உதயநிதி ஸ்டாலின், கிருத்திகா உதயநிதி மற்றும் சபரீசன் ஆகியோர் இன்று (திங்கட்கிழமை) அதிகாலை 3:50 மணிக்குச் சென்னையில் இருந்து புறப்பட்டனர்.
எமிரேட்ஸ் ஏர்லைன்ஸ் விமானம் மூலம் துபாய் வழியாகக் கிரீஸ் நாட்டிற்குச் சென்றுள்ள இவர்கள், திருமண நிகழ்வுகளை முடித்துக் கொண்டு வரும் நவம்பர் 13-ம் தேதி மீண்டும் சென்னை திரும்பவுள்ளனர். இத்திருமண விழாவில் பங்கேற்பதற்காக நடிகர் ரஜினிகாந்தும் தனது குடும்பத்தினருடன் இன்று காலை சென்னையில் இருந்து கிரீஸ் நாட்டிற்குப் புறப்பட்டுச் சென்றுள்ளார்.
கிரீஸ் நாட்டில் நடைபெறும் திருமணத்தைத் தொடர்ந்து, வரும் நவம்பர் 21-ம் தேதி சென்னையில் உள்ள ஐடிசி கிராண்ட் சோழா நட்சத்திர விடுதியில் பிரமாண்ட திருமண வரவேற்பு நிகழ்ச்சி நடைபெற உள்ளது. இதில் அரசியல் தலைவர்கள், திரையுலகப் பிரபலங்கள் மற்றும் தொழிலதிபர்கள் எனப் பலர் கலந்துகொள்ள உள்ளனர்.