நடிகை குறித்த சர்ச்சை பேச்சு: சி.வி. சண்முகத்திற்கு எதிராகக் கிளம்பும் கண்டனக் குரல்கள்!

» செய்திகள் - விளையாட்டு » தமிழகம்

நடிகை குறித்த சர்ச்சை பேச்சு: சி.வி. சண்முகத்திற்கு எதிராகக் கிளம்பும் கண்டனக் குரல்கள்!

செவ்வாய் 17, மார்ச் 2026 4:31:33 PM (IST)

தமிழக முதல்வரின் திட்டத்தை விமர்சிப்பதாகக் கூறி, நடிகை ஒருவரைப் பற்றி இழிவாகப் பேசிய அதிமுக முன்னாள் அமைச்சர் சி.வி. சண்முகத்திற்கு அரசியல் வட்டாரங்களில் கடும் எதிர்ப்பு கிளம்பியுள்ளது.

தமிழக முதல்வர் மு.க. ஸ்டாலின் அவர்களின் ‘உங்கள் கனவைச் சொல்லுங்கள்’ திட்டம் குறித்து அதிமுக முன்னாள் அமைச்சர் சி.வி. சண்முகம் அண்மையில் பொதுமேடையில் பேசினார். அப்போது அவர் குறிப்பிட்டதாவது: அப்துல் கலாம் 'கனவு காணுங்கள்' என்றார். ஆனால் ஸ்டாலின் ஒருபடி மேலே போய் 'உங்கள் கனவைச் சொல்லுங்கள்' என்கிறார்.

எனக்கு ஒரு குறிப்பிட்ட நடிகை (பெயரைக் குறிப்பிட்டு) வேண்டும், அவரை எனக்குக் கல்யாணம் செய்து வையுங்கள் என்று யாராவது கேட்டால், அதனை முதல்வர் நிறைவேற்றித் தருவாரா?" இவ்வாறு அவர் பேசிய காணொளி சமூக வலைதளங்களில் வெளியாகி பெரும் பரபரப்பையும் விவாதத்தையும் ஏற்படுத்தியது.

இந்தக் கருத்துக்கு மார்க்சிஸ்ட் கம்யூனிஸ்ட் கட்சியின் மத்திய குழு உறுப்பினர் கே. பாலபாரதி கடும் கண்டனம் தெரிவித்துள்ளார். அவர் இது குறித்துக் கூறியதாவது: ஒரு பெண்ணைப் பொதுவெளியில் இழிவுபடுத்தும் வகையில் பேசுவது கண்டனத்திற்குரியது. இது ஒட்டுமொத்தப் பெண்களையும் கொச்சைப்படுத்தும் செயல்.

பெண்களை இழிவுபடுத்தும் வகையில் பேசும் சி.வி. சண்முகம் தேர்தலில் போட்டியிடுவதற்கான உரிமையைத் தேர்தல் ஆணையம் ரத்து செய்ய வேண்டும். தனது நாகரிகமற்ற பேச்சுக்காகத் தமிழ்நாட்டுப் பெண்களிடம் அவர் பகிரங்கமாக மன்னிப்பு கேட்க வேண்டும் எனத் தெரிவித்துள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: