பைக் மீது கார் மோதி விபத்து: வாலிபர் பரிதாப பலி!

» செய்திகள் - விளையாட்டு » மாவட்ட செய்தி (தூத்துக்குடி)

பைக் மீது கார் மோதி விபத்து: வாலிபர் பரிதாப பலி!

ஞாயிறு 21, ஜூன் 2026 1:51:02 PM (IST)

எட்டையபுரம் அருகே மதுரை - தூத்துக்குடி தேசிய நெடுஞ்சாலையில் பைக் மீது கார் மோதிய விபத்தில் ஒருவர் பரிதாபமாக உயிரிழந்தார்!

தூத்துக்குடி மாவட்டம் எட்டையபுரம் வட்டம் துரைச்சாமிபுரம் கிராமத்தைச் சேர்ந்தவர் அக்கா நாயக்கர் மகன் குருசாமி (40). கூலித் தொழிலாளியான இவர், நேற்று தனது சொந்த ஊரிலிருந்து கீழ ஈரால் கிராமத்தில் வசித்து வரும் தனது தங்கை மாரியம்மாளைப் பார்ப்பதற்காகப் புறப்பட்டுள்ளார்.

குருசாமி தனது பைக்கில் துரைச்சாமிபுரத்திலிருந்து மதுரை - தூத்துக்குடி தேசிய நெடுஞ்சாலையில் சென்று கொண்டிருந்தபோது, பின்னால் அதிவேகமாக வந்த அடையாளம் தெரியாத கார் ஒன்று, எதிர்பாராத விதமாகக் குருசாமியின் இருசக்கர வாகனத்தின் மீது மோதியது.

விபத்தை ஏற்படுத்திய அந்தக் கார், அங்கே நிற்காமல் அதிவேகமாகச் சென்று மறைந்தது. இந்த விபத்தில் தூக்கி வீசப்பட்ட குருசாமிக்குத் தலையில் பலத்த ரத்தக்காயம் ஏற்பட்டு, சம்பவ இடத்திலேயே பரிதாபமாக உயிரிழந்தார். விபத்து குறித்து தகவல் அறிந்து வந்த எட்டையபுரம் போலீசார், குருசாமியின் உடலைக் கைப்பற்றிப் பிரேதப் பரிசோதனைக்காகத் தூத்துக்குடி அரசு மருத்துவமனைக்கு அனுப்பி வைத்தனர்.

மேலும், இச்சம்பவம் குறித்து எட்டையபுரம் காவல் நிலைய போலீசார் வழக்குப் பதிவு செய்து, விபத்தை ஏற்படுத்திவிட்டு நிற்காமல் தப்பிச் சென்ற அடையாளம் தெரியாத காரையும், அதன் ஓட்டுநரையும் தீவிரமாகத் தேடி வருகின்றனர். தங்கை வீட்டிற்குச் சென்ற வாலிபர், கார் மோதி உயிரிழந்த சம்பவம் அப்பகுதியில் பெரும் சோகத்தை ஏற்படுத்தியுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: