தூத்துக்குடியில் மின்சாரம் தாக்கி இறந்த வியாபாரி குடும்பத்திற்கு ரூ.20 லட்சம் இழப்பீடு: உயர்நீதிமன்றம் உத்தரவு

தூத்துக்குடி காய்கறி மார்க்கெட் பகுதியில் கடந்த 2023-ஆம் ஆண்டு மின்சாரம் தாக்கிப் பரிதாபமாக உயிரிழந்த கீரை வியாபாரி குடும்பத்திற்கு ரூ. 20 லட்சம் இழப்பீடு வழங்க மதுரை உயர்நீதிமன்றம் ஆணை பிறப்பித்துள்ளது. 

தூத்துக்குடி மடத்தூர்ப் பகுதியைச் சேர்ந்த நடராஜன் மகன் ஜெயகணேசன். இவர் கடந்த 25.05.2023 அன்று தூத்துக்குடி மாநகரக் காய்கறி மார்க்கெட் பகுதியில் வழக்கம்போல் கீரை வியாபாரம் செய்துகொண்டிருந்தார். அப்போது, அருகில் உள்ள அண்ணா சிலையைச் சுற்றி நகராட்சி நிர்வாகத்தால் அமைக்கப்பட்டிருந்த இரும்புத் தடுப்பு வேலியில் எதிர்பாராதவிதமாக அவரது கை பட்டுள்ளது. 

அவ்வேலியில் எதிர்பாராமல் கசிந்திருந்த உயர்திறன் மின்சாரம் திடீரெனத் தாக்கியதில் ஜெயகணேசன் சம்பவ இடத்திலேயே துடிதுடித்துப் பரிதாபமாக உயிரிழந்தார். உயிரிழந்த ஜெயகணேசனுக்கு லிங்கசிவா என்ற மனைவியும், பொன் நதீஷ், ஜெய் விஷ்வா ஆகிய இரண்டு இளம் மகன்களும் உள்ளனர். குடும்பத்தின் வாழ்வாதாரமாகத் திகழ்ந்த ஜெயகணேசனின் இந்த அசாத்திய மறைவு அக்குடும்பத்தை நடுத்தெருவில் நிறுத்தியது.

பாதிக்கப்பட்ட இந்தக் ஏழைக் குடும்பத்திற்கு ஆதரவாகத் தூத்துக்குடி மாவட்டச் சமத்துவ மக்கள் கழகத்தின் சார்பில், உயிரிழந்த ஜெயகணேசன் குடும்பத்திற்கு ரூ.50 லட்சம் இழப்பீடும், அவரது மனைவிக்கு அரசுப் பணியும் வழங்க வேண்டும் என்று தூத்துக்குடி மாவட்ட ஆட்சியர் மற்றும் தமிழ்நாடு அரசுக்கு அடுக்கடுக்கான கோரிக்கைகள் பலமுறை வைக்கப்பட்டன. எனினும், தமிழ்நாடு அரசு இக்கோரிக்கைகளுக்குச் செவிசாய்க்காததுடன், பாதிக்கப்பட்ட குடும்பத்திற்கு அரசு தரப்பில் எவ்வித அதிகாரப்பூர்வ நுகர்வோர் நல்வாழ்வு இழப்பீடும் வழங்கப்படாமல் இழுத்தடிக்கப்பட்டு வந்தது.

இதனையடுத்து, சமத்துவ மக்கள் கழகத்தின் நிறுவனத் தலைவர் எர்ணாவூர் நாராயணன் அவர்களின் நேரடி ஆணையின்படி, தூத்துக்குடி மாவட்டச் சமத்துவ மக்கள் கழக நிர்வாகிகள், முன்னாள் அரசு வழக்கறிஞர் யு.எஸ். சேகர் மூலம் மதுரை உயர்நீதிமன்றக் கிளையில் பாதிக்கப்பட்ட குடும்பத்திற்கு நீதிகேட்டு அதிரடியாகத் பொதுநல வழக்குத் தொடர்ந்தனர்.

இவ்வழக்கை விசாரித்த மதுரை உயர்நீதிமன்றம், தூத்துக்குடி மாநகராட்சி மற்றும் தமிழ்நாடு மின்வாரியம் ஆகிய இரு பொதுத்துறை அமைப்புகளும் இணைந்து, மின் விபத்தில் பாதிக்கப்பட்ட ஜெயகணேசன் குடும்பத்திற்கு ரூபாய் 20 லட்சம் இழப்பீட்டுத் தொகையை உடனடியாக வழங்க வேண்டும் என அதிரடியாகத் தீர்ப்பு வழங்கி ஆணை பிறப்பித்தது.

உயர்நீதிமன்றத் தீர்ப்பின் தொடர்ச்சியாக, இன்று (11.06.2026) முதற்கட்டமாக மின்சாரம் தாக்கி உயிரிழந்த ஜெயகணேசனின் மகன்கள் இருவரின் பெயரிலும் எடுக்கப்பட்ட 7 லட்சத்து 50ஆயிரம் மதிப்பிலான வங்கி வரைவோலையை மாவட்ட நிர்வாகிகள் பாதிக்கப்பட்ட குடும்பத்தினரிடம் நேரில் வழங்கினர்.

இந்நிகழ்வின் போது வழக்கறிஞர் செல்வராஜ், மாவட்ட வர்த்தக அணிச் செயலாளர் சிவசு முத்துக்குமார் மற்றும் மாவட்டத் தொழிலாளர் அணிச் செயலாளர் சங்கர் உள்ளிட்ட முக்கியக் கழக நிர்வாகிகள் பலர் உடனிருந்து நுகர்வோர் பொதுநல ஆதரவை வெளிப்படுத்தினர்.