பைக் மீது மினிபஸ் மோதிய விபத்தில் இளைஞர் பலி!

» செய்திகள் - விளையாட்டு » மாவட்ட செய்தி (தூத்துக்குடி)

பைக் மீது மினிபஸ் மோதிய விபத்தில் இளைஞர் பலி!

வியாழன் 11, ஜூன் 2026 7:56:44 AM (IST)

கோவில்பட்டி புதுரோடு சந்திப்பு பகுதியில் பைக் மீது மினிபஸ் மோதிய விபத்தில் இளைஞர் பரிதாபமாக உயிரிழந்தார்.

தூத்துக்குடி மாவட்டம், கோவில்பட்டி ஸ்டாலின் காலனியைச் சேர்ந்தவர் புதியவன் மகன் காளிராஜ் (32). தொழிலாளியான இவர் நேற்று தனது இருசக்கர வாகனத்தில் கோவில்பட்டி புதுரோடு பகுதியில் சென்று கொண்டிருந்தார். அவர் அங்குள்ள ஆழ்வார்தெரு சந்திப்பு அருகே சென்று கொண்டிருந்த போது அவருக்கு முன்னால் ஒரு மினிபஸ் சென்று கொண்டிருந்தது.

அந்தச் மினிபஸ்சை வலதுபுறமாக முந்த காளிராஜ் முயன்றதாகக் கூறப்படுகிறது. அப்போது எதிர்பாராதவிதமாகச் மினிபஸ், காளிராஜின் இருசக்கர வாகனத்தின் மீது பலமாக மோதியது. இந்த விபத்தின் தாக்கத்தால் நிலைதடுமாறி வாகனத்துடன் கீழே விழுந்த காளிராஜ், மினிபஸ் டயரில் சிக்கித் தலையில் பலத்த காயமடைந்து சம்பவ இடத்திலேயே பரிதாபமாக உயிரிழந்தார்.

இவ்விபத்து குறித்துத் தகவலறிந்து கோவில்பட்டி கிழக்கு காவல் நிலைய போலீசார் சம்பவ இடத்திற்கு விரைந்து சென்று விபத்தில் உயிரிழந்த காளிராஜின் சடலத்தை மீட்டு உடற்கூறாய்வுக்காகக் கோவில்பட்டி அரசு மருத்துவமனைக்கு அனுப்பி வைத்தனர். மேலும், இச்சம்பவம் குறித்து வழக்குப் பதிவு செய்து மினிபஸ் ஓட்டுநரான கார்த்திக் ராஜா என்பவரைப் போலீசார் பிடித்து, விசாரணை நடத்தி வருகின்றனர்.

மக்கள் கருத்து

BabuJun 11, 2026 - 09:56:28 AM | Posted IP 172.7*****

mini bus karanuga thollai thangala ipo puthusa route vera kuduthachu oruthan kai kala police odachita yellam sari airum ana seiya matenguranga

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: