பெண்களைத் தொழில்முனைவோராக்கும் திட்டம் : தூத்துக்குடியில் 5 நாள் சிறப்புப் பயிற்சி முகாம்!

» செய்திகள் - விளையாட்டு » மாவட்ட செய்தி (தூத்துக்குடி)

பெண்களைத் தொழில்முனைவோராக்கும் திட்டம் : தூத்துக்குடியில் 5 நாள் சிறப்புப் பயிற்சி முகாம்!

செவ்வாய் 28, ஏப்ரல் 2026 12:48:35 PM (IST)

பெண்களைத் தொழில் முனைவோராக மாற்றும் நோக்கில், தூத்துக்குடி காமராஜர் கல்லூரியில் ஐந்து நாட்கள் நடைபெறும் கோடைக்கால சிறப்புப் பயிற்சி முகாம் தொடங்கியது.

தமிழ்நாடு மகளிர் தொழில் முனைவோர் நலச் சங்கம், விமன்ஸ் சேவா டிரஸ்ட், காமராஜ் கல்லூரி ஐ.க்யூ.ஏ.சி மற்றும் காமராஜ் ஸ்டார்ட் அப் மையம் ஆகியவை இணைந்து இந்தப் பயிற்சி முகாமிற்கு ஏற்பாடு செய்துள்ளன.

துவக்க விழாவிற்கு கல்லூரி முதல்வர் பானுமதி தலைமை வகித்தார். ஐ.க்யூ.ஏ.சி ஒருங்கிணைப்பாளர் கெத்சியல் ஆகஸ்டா அனைவரையும் வரவேற்றார். துணை முதல்வர் அருணாச்சல ராஜன், இ.டி.சி ஒருங்கிணைப்பாளர்கள் வசந்தி, கருப்பசாமி ஆகியோர் முன்னிலை வகித்தனர்.

பெண்கள் சுயதொழில் தொடங்குவதற்குத் தேவையான ஆறு முக்கியத் துறைகளில் பயிற்சிகள் வழங்கப்படுகின்றன: கேக் தயாரித்தல், மீன் ஊறுகாய் தயாரித்தல், ஹெர்பல் சோப் தயாரித்தல் மற்றும் மிதியடி தயாரித்தல், மணப்பெண் அலங்காரம், அடிப்படை டிஜிட்டல் மார்க்கெட்டிங் மற்றும் சமூக வலைதளங்கள் வழியாகத் தொழிலை மேம்படுத்துவது குறித்த பயிற்சிகள் அளிக்கப்படுகிறது.

நேற்று முகாம் தொடங்கிய நிலையில், இன்று இரண்டாவது நாளாக கேக் தயாரித்தல் குறித்த பயிற்சி வகுப்புகள் நடைபெற்றன. இந்தப் பயிற்சி முகாம் வரும் மே 1-ஆம் தேதி வரை, தினமும் காலை 9 மணி முதல் மதியம் 1:30 மணி வரை நடைபெற உள்ளது.

சுயதொழில் ஆர்வமுள்ள பெண்கள் பலரும் இந்தப் பயிற்சியில் ஆர்வமுடன் கலந்துகொண்டு பயன்பெற்று வருகின்றனர். இதற்கான விரிவான ஏற்பாடுகளைக் கல்லூரி நிர்வாகம் மற்றும் மகளிர் தொழில் முனைவோர் நலச் சங்கம் செய்துள்ளன.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: