» செய்திகள் - விளையாட்டு » மாவட்ட செய்தி (தூத்துக்குடி)
தூத்துக்குடி மாவட்டத்தில் இதுவரை ரூ.83.93 லட்சம் பறிமுதல் - ஆட்சியர் விஷு மகாஜன் தகவல்
செவ்வாய் 14, ஏப்ரல் 2026 12:07:15 PM (IST)

தூத்துக்குடி மாவட்டத்தில் தேர்தல் பறக்கும் படைகள் சோதனையில் இதுவரை ரூ.83.93 லட்சம் பறிமுதல் செய்யப்பட்டுள்ளதாக மாவட்ட தேர்தல் அலுவலர் - ஆட்சியர் விஷு மகாஜன் தெரிவித்துள்ளார்.
சட்டமன்ற தேர்தலை முன்னிட்டு, தூத்துக்குடி மாவட்டத்தில் தேர்தல் நடத்தை விதிமுறைகள் தீவிரமாக அமல்படுத்தப்பட்டு வருகின்றன. கண்காணிப்புப் பணியில் ஈடுபட்டுள்ள பறக்கும் படைகள் மற்றும் நிலையான கண்காணிப்பு குழுவினரால் இதுவரை பறிமுதல் செய்யப்பட்ட பணம் மற்றும் பொருட்களின் விவரங்களை மாவட்டத் தேர்தல் அலுவலர் மற்றும் மாவட்ட ஆட்சியர் விஷு மகாஜன் வெளியிட்டுள்ளார்.
தேர்தல் கண்காணிப்பு குழுவினரின் அதிரடி சோதனையில் இன்று வரை கைப்பற்றப்பட்ட விவரங்கள் பின்வருமாறு:
பறிமுதல் செய்யப்பட்ட ரொக்கம்: உரிய ஆவணங்களின்றி கொண்டு செல்லப்பட்ட மொத்த ரொக்கத் தொகை ரூ.83,93,266.
இலவசப் பொருட்கள்: வாக்காளர்களுக்கு விநியோகிக்கக் கொண்டு செல்லப்பட்டதாகக் கருதப்படும் ரூ.13,84,801 மதிப்பிலான இலவசப் பொருட்கள் பறிமுதல் செய்யப்பட்டுள்ளன.
மதுபானங்கள்: விதிமீறி கொண்டு செல்லப்பட்ட ரூ.5,47,403 மதிப்பிலான மதுபானங்கள் கைப்பற்றப்பட்டுள்ளன.
விடுவிக்கப்பட்ட தொகை மற்றும் பொருட்கள்:
பறிமுதல் செய்யப்பட்ட பிறகு, உரிய ஆவணங்களைச் சமர்ப்பித்ததன் அடிப்படையில் சில தொகைகளும் பொருட்களும் உரியவர்களிடம் ஒப்படைக்கப்பட்டுள்ளன:
உரிய ஆவணங்களைச் சமர்ப்பித்து விடுவிக்கப்பட்ட மொத்த ரொக்கத் தொகை: ரூ.82,39,716.
ஆவணங்கள் சமர்ப்பிக்கப்பட்டு விடுவிக்கப்பட்ட பொருட்களின் மதிப்பு: ரூ.7,49,200.
மாவட்டத்தின் அனைத்துப் பகுதிகளிலும் கண்காணிப்புப் பணிகள் தொடர்ந்து தீவிரமாக நடைபெற்று வருவதாகவும், உரிய ஆவணங்களின்றி பணத்தையோ அல்லது பரிசுப் பொருட்களையோ கொண்டு செல்வதைத் தவிர்க்க வேண்டும் என்றும் மாவட்ட ஆட்சியர் விஷு மகாஜன் அறிவுறுத்தியுள்ளார்.
மக்கள் கருத்து
மேலும் தொடரும் செய்திகள்

கள்ளக்காதல் விவகாரத்தில் வாலிபர் அடித்துக் கொலை : பெண் உட்பட 3 பேர் கைது!
செவ்வாய் 14, ஏப்ரல் 2026 9:27:49 PM (IST)

தூத்துக்குடி மாவட்ட வளர்ச்சிக்கு திமுகவே காரணம்: கனிமொழி எம்பி பிரச்சாரம்!
செவ்வாய் 14, ஏப்ரல் 2026 5:13:07 PM (IST)

வீரமரணம் அடைந்த தீயணைப்பு வீரர்களுக்கு நினைவு அஞ்சலி!
செவ்வாய் 14, ஏப்ரல் 2026 4:53:45 PM (IST)

மத்திய அரசின் திட்டங்களைத் திமுக மறைக்கிறது : முதல்வர் ஸ்டாலினுக்கு பாஜக பதில்!
செவ்வாய் 14, ஏப்ரல் 2026 4:42:22 PM (IST)

திருவிக நகர் சக்திபீடத்தில் தமிழ் புத்தாண்டு விழா: விவசாயம் செழிக்க 1008 குங்கும அர்ச்சனை!
செவ்வாய் 14, ஏப்ரல் 2026 3:56:04 PM (IST)

கனிமொழி எம்பி காரில் தேர்தல் பறக்கும் படையினர் அதிரடி சோதனை: விளாத்திகுளம் அருகே பரபரப்பு!
செவ்வாய் 14, ஏப்ரல் 2026 12:26:51 PM (IST)






