திராவிட மாடல் ஆட்சியின் சாதனைகளே எங்களின் பலம்: தூத்துக்குடியில் அமைச்சர் கீதா ஜீவன் பிரசாரம்!

தூத்துக்குடி சட்டமன்றத் தொகுதி மதச்சார்பற்ற முற்போக்கு கூட்டணியின் திமுக வேட்பாளர் அமைச்சர் கீதா ஜீவன், நேற்று (10.04.2026) தூத்துக்குடி மாநகரப் பகுதிகளில் கூட்டணி கட்சி நிர்வாகிகளுடன் இணைந்து தீவிர வாக்கு சேகரிப்பில் ஈடுபட்டார்.

மாநகராட்சியின் 24, 25 மற்றும் 26 ஆகிய வார்டுகளுக்கு உட்பட்ட பகுதிகளில் வீடு வீடாகச் சென்று அமைச்சர் பிரசாரம் மேற்கொண்டார். அப்போது, முதலமைச்சர் மு.க. ஸ்டாலின் தலைமையிலான திராவிட மாடல் ஆட்சியின் மூன்றாண்டு காலச் சாதனைகளையும், குறிப்பாகப் பெண்களுக்கான விடியல் பயணம், கலைஞர் மகளிர் உரிமைத் தொகை போன்ற திட்டங்கள் மக்களிடம் ஏற்படுத்தியுள்ள மாற்றங்களையும் விளக்கிப் பேசினார். தொகுதி மேம்பாட்டிற்காகத் தான் செய்துள்ள பணிகளை எடுத்துக்கூறி, உதயசூரியன் சின்னத்திற்கு அவர் ஆதரவு திரட்டினார்.

இந்த பிரசார நிகழ்வின் போது, காங்கிரஸ் கட்சியின் தேசிய செயற்குழு உறுப்பினர் ஏ.பி.சி.வி. சண்முகம், மார்க்சிஸ்ட் கம்யூனிஸ்ட் மாநகரச் செயலாளர் தனலட்சுமி, மதிமுக மாநகரச் செயலாளர் முருக பூபதி, தேமுதிக மாவட்டச் செயலாளர் தயாளலிங்கம், மனிதநேய மக்கள் கட்சி மாவட்டச் செயலாளர் யூசுப், மனிதநேய ஜனநாயக கட்சி மாவட்டச் செயலாளர் அசன் அலி உள்ளிட்ட கூட்டணிக் கட்சிகளின் முக்கிய நிர்வாகிகள் திரளாகக் கலந்துகொண்டனர்.

மாநகர திமுக செயலாளர் ஆனந்தசேகரன், மாவட்ட துணைச் செயலாளர் ராஜமோகன் செல்வின், மாவட்ட அவைத் தலைவர் செல்வராஜ், பகுதி செயலாளர்கள் ஜெயக்குமார், நிர்மல்ராஜ் மற்றும் வட்டச் செயலாளர்கள் ரவி இளங்கோ, ஆல்பர்ட், மரியா ஹான்ஸ், ஜேம்ஸ் ரோலண்ட் ஆகியோர் அமைச்சருடன் சென்றனர். மேலும், மாமன்ற உறுப்பினர்கள் எடின்டா, மெட்டில்டா, மரியகீதா மற்றும் திமுக சார்பு அணி நிர்வாகிகள் உள்ளிட்ட ஏராளமான தொண்டர்கள் இந்த எழுச்சிமிக்கப் பிரசாரத்தில் பங்கேற்றனர்.