தூத்துக்குடியில் நரசிம்மர் ஜெயந்தி விழா கோலாகலம் : சிறப்பு அபிஷேகம் - திரளான பக்தர்கள் தரிசனம்!

மகாவிஷ்ணுவின் நான்காவது அவதாரமான நரசிம்ம அவதாரத்திற்கு "நாளை" என்பது கிடையாது. தன் பக்தன் பிரகலாதனைத் துயரத்திலிருந்து காக்க, தாயின் கருவில் இருந்து தோன்றினால் காலதாமதம் ஆகும் என்பதால், ஒரு நொடியும் தாமதிக்காமல் தூணிலிருந்து உடனடியாகத் தோன்றியவர் நரசிம்மர். இதன் காரணமாகவே, ஆண்டுதோறும் சித்திரை மாதம் சுவாதி நட்சத்திரத்தன்று நரசிம்மர் ஜெயந்தி விழா பக்தர்களால் விமரிசையாகக் கொண்டாடப்படுகிறது.

"நரசிம்மரை வழிபட்டால் எந்தவொரு காரியமும் தங்கு தடையின்றி உடனடியாக நிறைவேறும்" என்பது பக்தர்களின் அசைக்க முடியாத நம்பிக்கையாக உள்ளது. தமிழகத்திலேயே நரசிம்மருக்குத் தனிச் சன்னதி அமைந்துள்ள அபூர்வத் தலங்களில் ஒன்றான தூத்துக்குடி கதிர்வேல் நகர், ராதாகிருஷ்ணா ஸ்ரீ வெங்கடேச பெருமாள் கோவிலில் நரசிம்மர் ஜெயந்தி விழா இன்று மிகச் சிறப்பாகக் கொண்டாடப்பட்டது.