தூத்துக்குடி - மேட்டுப்பாளையம் தினசரி ரயில் இயக்க வேண்டும் : சேம்பர் ஆஃப் காமர்ஸ் கோரிக்கை!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி - மேட்டுப்பாளையம் தினசரி ரயில் இயக்க வேண்டும் : சேம்பர் ஆஃப் காமர்ஸ் கோரிக்கை!

வெள்ளி 20, பிப்ரவரி 2026 12:34:22 PM (IST)

தூத்துக்குடி - மேட்டுப்பாளையம் வாரம் இருமுறை ரயிலை, பயணிகளின் நலன் கருதி உடனடியாக தினசரி ரயிலாக மாற்ற வேண்டும் என்று இந்திய வர்த்தகம் மற்றும் தொழில் துறை சேம்பர் கோரிக்கை விடுத்துள்ளது.

தூத்துக்குடி மாவட்டத்தின் ரயில் போக்குவரத்து வசதிகளை மேம்படுத்தக் கோரி, தெற்கு ரயில்வே பொது மேலாளர் ஆர்.என். சிங்-க்கு, தூத்துக்குடி இந்திய வர்த்தகம் மற்றும் தொழில் துறை சேம்பர் தலைவர் ஆர். கோடீஸ்வரன் முக்கிய கோரிக்கை மனு ஒன்றை அனுப்பியுள்ளார்.

அந்த மனுவில் தூத்துக்குடி - மேட்டுப்பாளையம் இடையே தற்போது வாரம் இருமுறை இயக்கப்பட்டு வரும் ரயிலை, பயணிகளின் நலன் கருதி உடனடியாக தினசரி ரயிலாக மாற்ற வேண்டும்.

வண்டி எண். 16791/16792 தூத்துக்குடி - பாலக்காடு - தூத்துக்குடி விரைவு ரயிலில், பயணிகள் நீண்ட நாட்களாக எதிர்பார்த்து வரும் ஏசி கோச்சுகளை உடனடியாக இணைக்க நடவடிக்கை எடுக்க வேண்டும்.

தூத்துக்குடி மற்றும் சென்னை இடையிலான பயண நேரத்தைக் குறைக்கவும், நவீன வசதிகளைப் பெறவும் இவ்விரு நகரங்களுக்கு இடையே வந்தே பாரத் ரயில் சேவையைத் தொடங்க வேண்டும்.

தூத்துக்குடியிலிருந்து மதுரை, திருச்சி, தஞ்சாவூர், கும்பகோணம் மற்றும் மயிலாடுதுறை வழியாகச் செல்லும் வகையில் புதிய தினசரி விரைவு ரயில் ஒன்றை இயக்க வேண்டும். தூத்துக்குடியிலிருந்து ஹைதராபாத் மற்றும் மும்பை ஆகிய நகரங்களுக்கு நேரடி ரயில் சேவைகளை உருவாக்க வேண்டும்.

தூத்துக்குடியின் பொருளாதார வளர்ச்சி மற்றும் பயணிகளின் வசதியைக் கருத்தில் கொண்டு, தெற்கு ரயில்வே நிர்வாகம் விரைந்து நடவடிக்கை எடுக்க வேண்டும் என மனுவில் வலியுறுத்தப்பட்டுள்ளது.

மக்கள் கருத்து

BabuFeb 21, 2026 - 01:24:59 PM | Posted IP 104.2*****

aahaan

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: