முற்றிலும் போதைப் பொருள் இல்லாத தூத்துக்குடியை உருவாக்க வேண்டும் : அமைச்சர் பி.கீதா ஜீவன்

இந்நிகழ்ச்சியில் அமைச்சர் பி.கீதா ஜீவன் தெரிவித்ததாவது : தமிழ்நாடு துணை முதலமைச்சர், போதைப்பொருள் இல்லாத தமிழ்நாடு என்ற விழிப்புணர்வை ஏற்படுத்தும் வகையில் உறுதிமொழி ஏற்கும் நிகழ்ச்சியில் கலந்து கொண்டு, சிறப்பாக செயல்பட்ட காவல் துறை அலுவலர்கள், பள்ளி மற்றும் கல்லூரி மாணவர்களுக்கு விருதுகளை வழங்கினார்கள்.

இந்நிகழ்வில் அமைச்சர் அனிதா ஆர். ராதாகிருஷ்ணன் தெரிவித்ததாவது : தமிழ்நாடு துணை முதலமைச்சர், போதைப்பொருள் இல்லாத தமிழ்நாடு என்று விழிப்புணர்வு ஏற்படுத்தும் வகையில் உறுதிமொழி ஏற்கும் நிகழ்ச்சியில் கலந்து கொண்டு சிறப்பித்த நிகழ்ச்சி சிறப்பாக நடைபெற்றது. எந்தவொரு இடத்திலும் எந்தவிதத்திலும் போதைப் பொருட்கள் பயன்பாடு இல்லாத நிலையினை உருவாக்குவதற்காக பள்ளி, கல்லூரி மற்றும் அனைத்து இடங்களிலும் போதைபொருட்களின் பயன்பாட்டை தடுக்கின்ற வகையில் நாம் அனைவரும் இன்று விழிப்புணர்வு உறுதிமொழியினை ஏற்று உள்ளோம். 

எனவே, மாணவர்களாகிய நீங்களும் போதை பொருட்கள் பயன்பாடு இல்லாத ஒரு நிலையினை உறுதி செய்து கொள்ள வேண்டும். தமிழ்நாடு முதலமைச்சர் போதை பொருள் இல்லாத தமிழகத்தை உருவாக்க வேண்டும் என்ற நோக்கத்துடன் சிறப்பாக செயல்பட்டு வருகிறார்கள். எனவே, நாமும் அதற்கு முழு ஒத்துழைப்புடன் செயல்பட வேண்டும் என மீன்வளம், மீனவர் நலன் மற்றும் கால்நடை பராமரிப்புத்துறை அமைச்சர் அனிதா ஆர். ராதாகிருஷ்ணன் தெரிவித்தார். 

இந்நிகழ்ச்சியில் மாவட்ட காவல் கண்காணிப்பாளர் ஆல்பர்ட் ஜான், மேயர் பெ.ஜெகன், தூத்துக்குடி மாநகராட்சி ஆணையாளர் பானோத் ம்ருகேந்தர் லால், உதவி ஆட்சியர் (பயிற்சி) புவனேஷ் ராம், கூடுதல் காவல் கண்காணிப்பாளர் மதன், இ.கா.ப., தூத்துக்குடி வருவாய் கோட்டாட்சியர் ம.பிரபு, உதவி ஆணையர் (கலால்) கல்யாணகுமார், அரசு பாலிடெக்னிக் கல்லூரி முதல்வர், கல்லூரி மாணவ மாணவியர்கள் மற்றும் அரசு துறைச் சார்ந்த அலுவலர்கள் கலந்து கொண்டனர்.