தூத்துக்குடியில் இரும்பு கடையில் திருடிய வாலிபர் கைது

தூத்துக்குடியில் இரும்பு கடையில் மேற்கூரையை உடைத்து பணத்தை திருடிய வாலிபரை போலீசார் கைது செய்தனர். 

தூத்துக்குடி பிரையன்ட் நகரைச் சேர்ந்தவர் சண்முகையா மகன் சுப்பையா (55). இவர் வஉசி மார்க்கெட்டில் பழைய இரும்பு கடை நடத்தி வருகிறார். கடந்த 15ஆம் தேதி இரவு இவரது கடை மேற்கூரையை உடைத்து மர்ம நபர்கள் உள்ளே சென்று கல்லாவில் இருந்த ரூ.6 ஆயிரம் பணத்தை திருடி சென்று விட்டனர். இதுகுறித்து மத்திய பாகம் காவல் நிலையத்தில் சுப்பையா புகார் அளித்தார்.

புகாரின் பேரில் சப் இன்ஸ்பெக்டர் முத்து வீரப்பன் வழக்குப்பதிவு செய்து விசாரணை நடத்தி வருகிறார். இது தொடர்பாக தூத்துக்குடி மேல சண்முகபுரம் பெருமாள் தெருவை சேர்ந்த சேர்மராஜா மகன் சரவணகுமார் (21) என்பவரை போலீசார் கைது செய்தனர். இவர் மீது ஏற்கனவே தூத்துக்குடி, திருச்செந்தூர், கோவில்பட்டி உட்பட பல காவல் நிலையங்களில் 10க்கும் மேற்பட்ட திருட்டு வழக்குகள் உள்ளது. இந்த வழக்கு தொடர்பாக மேலும் 2 பேரை போலீசார் தேடி வருகின்றனர்..