தூத்துக்குடியில் போப் பிரான்சிஸ் உருவ படத்திற்கு அஞ்சலி!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடியில் போப் பிரான்சிஸ் உருவ படத்திற்கு அஞ்சலி!

திங்கள் 21, ஏப்ரல் 2025 8:55:16 PM (IST)

தூத்துக்குடியில் போப் பிரான்சிஸ் உருவ படத்திற்கு ஆயர் ஸ்டீபன் ஆந்தோணி மலர் தூவி அஞ்சலி செலுத்தினார்.

கத்தோலிக்க கிறிஸ்தவ மத தலைவரான போப் பிரான்சிஸ் மறைந்தார். அவருக்கு வயது 88. போப் பிரான்சிஸின் மறைவு உலகம் முழுவதும் உள்ள கத்தோலிக்க கிறிஸ்தவர்களை சோகத்தில் ஆழ்த்தியுள்ளது. போப் மறைவை முன்னிட்டு தூத்துக்குடி மறைமாவட்டம் சாா்பில் அனைத்து தேவாலயங்களிலும் மாலை 4 மணிக்கு துக்க மணி அடிக்கப்பட்டு, போப் ஆண்டவரின் மறைவு குறித்து அறிவிக்கப்பட்டு இரங்கல் தெரிவிக்கப்பட்டது.

அதைத் தொடா்ந்து தூத்துக்குடி மறை மாவட்ட ஆயா் இல்லத்தில் போப் ஆண்டவா் திருவுருவப் படத்திற்கு தூத்துக்குடி மறைமாவட்ட ஆயா் ஸ்டீபன் ஆண்டனி தலைமையில் மலா்தூவி அஞ்சலி செலுத்தப்பட்டது. முன்னாள் மறை மாவட்ட ஆயா் இவான் அம்புரோஸ் மற்றும் பங்குத்தந்தைகள், மறை மாவட்ட முதன்மை செயலா் அந்தோணி ஜெகதீசன் மறை மாவட்ட பொருளாளா் பிரதீப் மற்றும் ஆயா் இல்ல தந்தையா்கள் அஞ்சலி செலுத்தினா்.

ஆயா் ஸ்டீபன் அந்தோணி வெளியிட்டுள்ள இரங்கல் செய்தி: எளிமை, தாழ்மை, ஏழைகளிடம் அன்பு உலகம் சுற்றுப்புறத்தைக் காத்தல் ஆகியன போப் ஆண்டவரின் மையச் செயல்களாக இருந்தன. அவருடைய பிரிவால் துயருறும் அனைத்து கிறிஸ்தவா்களுக்கும் ஆழ்ந்த இரங்கலைத் தெரிவித்துக்கொள்கிறேன் என்று குறிப்பிட்டுள்ளார்.

மக்கள் கருத்து

அ.ஐயப்பனApr 22, 2025 - 03:42:19 PM | Posted IP 162.1*****

தூத்துகுடியில் கடந்த ஒரு வாரத்தில் 4 கொலைகள் நடந்துள்ளன. இச்சம்பவத்தில் ஈடுபட்ட குற்றவாளிகள் குற்றபின்ணணி கொண்ட போதை இளவயதுடையவர்களாக இருப்பதால் போலீஸ் நடவடிக்கை எடுத்து குற்றத்தை கட்டுபடுத்துமாறு பொது மக்கள் சார்பாக கேட்டு கொள்ளபடுகிறது

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: