சோனியா, ராகுல் காந்தி மீது குற்றப்பத்திரிகை : மத்திய அரசைக் கண்டித்து காங்கிரஸ் ஆர்ப்பாட்டம்!

சோனியா, ராகுல் காந்தி மீது குற்றப்பத்திரிகை தாக்கல் செய்த மத்திய பாஜக அரசைக் கண்டித்து தூத்துக்குடியில் காங்கிரஸ் கட்சி சார்பில் ஆர்ப்பாட்டம் நடைபெற்றது.

நேஷனல் ஹெரால்டு வழக்கில் காங்கிரஸ் கட்சியின் சோனியா காந்தி, ராகுல் காந்தி ஆகியோர் மீது அமலாக்கத்துறை இன்று குற்றப்பத்திரிகை தாக்கல் செய்துள்ளது.  இது பிரதமர் மோடி மற்றும் மத்திய உள்துறை அமைச்சகத்தின் பழிவாங்கும் நடவடிக்கை என்று காங்கிரஸ் கட்சி கண்டனம் தெரிவித்துள்ளது. இந்நிலையில், மத்திய அரசைக் கண்டித்து தூத்துக்குடியில் வருமான வரித்துறை அலுவலகம் முன்பு காங்கிரஸ் சார்பாக ஆர்ப்பாட்டம் நடந்தது.