டாஸ்மார்க் கடைகளில் அதிக விலைக்கு மது விற்பனை : ஆட்சியர் நடவடிக்கை எடுக்க கோரிக்கை!

தூத்துக்குடி டாஸ்மார்க் கடைகளில் எம்.ஆர்.பி.யை விட அதிகமாக விலைக்கு மதுபானம் விற்பனை குறித்து மாவட்ட ஆட்சியர் நடவடிக்கை எடுக்க வேண்டும் என கோரிக்கை விடுக்கப்பட்டுள்ளது. 

இது தொடர்பாக தூத்துக்குடி டூவிபுரம் ராஜவேல், காசிலிங்கம் ஆகியோர் மாவட்ட ஆட்சியரிடம் அளித்த மனுவில், "பல டாஸ்மார்க் கடையில் எம்ஆர்பி விலையை விட அதிக விலைக்கு காவல்துறை பாதுகாப்புடன், மதுபாட்டில்கள் விற்கப்படுகின்றது. இதனை கண்டித்து பாஜக சார்பாக இவ் ஊழல் மீது தமிழக முதல்வர் துணை முதல்வர் படங்கள் ஒட்டியும் வருகின்றனர். அவர்களை காவல்துறை கைது செய்கிறது. 

ஆனால் அதிக விலைக்கு விற்கும் டாஸ்மார்க் ஊழியருக்கு சாதகமாக செயல்படுகிறது. டாஸ்மார்கில் அதிக விலைக்கு மது விற்பதை காவல்துறையும் கண்டு கொள்ளாமல் இருக்கிறது. அரசு அதிகாரிகள் பில்லுக்கு மேல் அதிக விலைக்கு பொருளை விற்பனை செய்யக்கூடாது, விற்பனை விலை, கடையின் உள்ள ஸ்டாக் எழுதியும் வைக்கப்பட வேண்டும் என சட்டம் உள்ளது. எனவே இது தொடர்பாக நடவடிக்கை எடுக்க ஆட்சியர் உத்தரவிட வேண்டும் என கோரிக்கை விடுத்துள்னர்.