தூத்துக்குடி அருகே பைக் விபத்தில் கொத்தனார் பலி!

தூத்துக்குடி அருகே பைக் மீது அடையாளம் தெரியாத வாகனம் மோதிய விபத்தில் படுகாயம் அடைந்த கொத்தனார் உயிரிழந்தார். 

தூத்துக்குடி கட்டபொம்மன் நகரைச் சேர்ந்தவர் சண்முகசாமி மகன் கோபால் (43), கொத்தனாராக வேலைபார்த்து வருகிறார். இவருக்கு பத்மா என்ற மனைவியும் ஒரு மகளும் உள்ளனர். இந்நிலைியல், இவர் நேற்று இரவு இவர் வைப்பாரில் உள்ள தனது உறவினர் வீட்டுக்கு மோட்டார் பைக்கில் சென்று கொண்டிருந்தார். 

குளத்தூர் சொசைட்டி அருகே கிழக்கு கடற்கரை சாலையில் எதிரே வந்த அடையாளம் தெரியாத வாகனம் பைக் மீது மோதியது. இதில் பலத்த காயம் அடைந்த அவர் இறந்தார். இதுகுறித்து தகவல் அறிந்த குளத்தூர் போலீசார் சம்பவ இடத்திற்கு சென்று அவரது உடலை மீட்டு பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தனர். மேலும் இது சம்பந்தமாக வழக்கு பதிவு செய்து, மோதிவிட்டு நிற்காமல் சென்ற வாகனத்தை தேடி வருகிறார்கள்.