சர்வதேச திரைப்பட விழாவில் முதலிடத்தை வென்ற திரு குறும்பட குழுவினருக்கு மேயர் வாழ்த்து

சர்வதேச திரைப்பட விழாவில் முதலிடத்தை வென்ற திரு குறும்பட குழுவினருக்கு மேயர் ஜெகன் பெரியசாமி வாழ்த்து தெரிவித்தார். 

தூத்துக்குடி மாவட்ட காவல்துறையும், வானம் என்டர்டைன்மென்ட்டும் தூத்துக்குடியை சேர்ந்த இயக்குனர் அருந்ததி அரசு இணைந்து திருநங்கைகளின் வாழ்க்கை நகர்வைக் குறித்து எடுக்கப்பட்ட விழிப்புணர்வு குறும்படமான "திரு" என்கிற குறும்படம் கொல்கத்தாவில் நடைபெற்ற சர்வதேச திரைப்பட விழாவில் முதலிடத்தை வென்றதை தொடர்ந்து படக்குழுவினர் மேயர் ஜெகன் பெரியசாமியை சந்தித்து வாழ்த்து பெற்றனர். 

தூத்துக்குடி முன்னாள் மாவட்ட காவல் கண்காணிப்பாளர் பாலாஜி சரவணன் காவல்துறை அதிகாரியாகவே நடித்து சிறப்பித்திருந்தார். இந்த நிகழ்வில் இயக்குனர் அருந்ததி அரசு, இணை தயாரிப்பாளர்கள் ஜாகீர் ஹுசைன், மாரிமுத்து, நிர்வாக மேற்பார்வையாளர் மைக்கேல் ஜெரோம், படத்தில் நடித்த திருநங்கைகள் ஆர்த்தி, சிந்துஜா, ஜமுனா, கவிஞர் மாரிமுத்து, சக்திவேல், உதவி இயக்குனர்கள் திருஉதயகுமார், முத்துராம் சரண், ஸ்டில்ஸ் முனீஸ், காட்வின் ஆகியோர் உடன் இருந்தனர்.