வீட்டில் தனியாக இருந்த மூதாட்டியிடம் 4 பவுன் நகை பறிப்பு: வாலிபருக்கு போலீஸ் வலைவீச்சு

» செய்திகள் - விளையாட்டு » மாவட்ட செய்தி (தூத்துக்குடி)

வீட்டில் தனியாக இருந்த மூதாட்டியிடம் 4 பவுன் நகை பறிப்பு: வாலிபருக்கு போலீஸ் வலைவீச்சு

ஞாயிறு 29, டிசம்பர் 2024 9:06:21 AM (IST)

திருச்செந்தூரில் வீட்டில் தனியாக இருந்த மூதாட்டியிடம் 4 பவுன் நகைப் பறித்துச் சென்ற வாலிபரைப் போலீசார் தேடி வருகின்றனர்.

தூத்துக்குடி மாவட்டம், திருச்செந்தூர் டி.பி. சாலை ஆனந்த விநாயகர் காலனியைச் சேர்ந்த கருப்பசாமி மனைவி பிச்சம்மாள் (74). இவருக்கு 2 மகன்கள் உள்ளனர். இருவருக்கும் திருமணமாகி தனித்தனியே வசிக்கின்றனர். இந்த நிலையில் பிச்சம்மாள் மட்டும் தனியாக வசித்து வருகிறார்.

அவரது வீட்டிற்கு நேற்று வந்த இளைஞர், குடிப்பதற்குத் தண்ணீர் கேட்டுள்ளார். அவருக்கு தண்ணீர் எடுத்து வந்து கொடுத்துள்ளார். அப்போது பிச்சம்மாள் தனியாக இருப்பதை நோட்டமிட்ட அந்த இளைஞர், சற்றுநேரம் கழித்து பாட்டிலுடன் வந்து தண்ணீர் கேட்டுள்ளார்.

பாட்டிலில் தண்ணீர் நிரப்புவதற்காக வீட்டுக்குள் சென்றபோது பிச்சம்மாளை பின்தொடர்ந்து சென்ற அந்த இளைஞர், அவரது முகத்தில் மிளகாய் பொடியைத் தூவி கழுத்தில் அணிந்திருந்த 4 பவுன் சங்கிலியைப் பறித்துக் கொண்டு தப்பிவிட்டார்.

இதுகுறித்து தகவலறிந்து நிகழ்விடத்துக்கு வந்த திருச்செந்தூர் டிஎஸ்பி மகேஷ்குமார், ஆய்வாளர் கனகராஜ், உதவி ஆய்வாளர் சுந்தர் மற்றும் போலீசார் மூதாட்டியிடம் விசாரணை நடத்தினர். மேலும் வீட்டின் அருகே உள்ள சிசிடிவி கேமராவில் பதிவாகியுள்ள காட்சிகளை வைத்து போலீசார் விசாரணை நடத்தி வருகின்றனர்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

வீட்டில் தனியாக இருந்த மூதாட்டியிடம் 4 பவுன் நகை பறிப்பு: வாலிபருக்கு போலீஸ் வலைவீச்சு

» செய்திகள் - விளையாட்டு » மாவட்ட செய்தி (தூத்துக்குடி)