பள்ளிகளுக்கு விடுமுறை அறிவிக்க வேண்டும்: ஆட்சியருக்கு த.மா.கா., கோரிக்கை!

» செய்திகள் - விளையாட்டு » மாவட்ட செய்தி (தூத்துக்குடி)

பள்ளிகளுக்கு விடுமுறை அறிவிக்க வேண்டும்: ஆட்சியருக்கு த.மா.கா., கோரிக்கை!

திங்கள் 14, அக்டோபர் 2024 9:58:35 PM (IST)

கனமழை எதிரொலியாக தூத்துக்குடி மாவட்டத்தில் உள்ள பள்ளிகளுக்கு நாளை (அக்.15) விடுமுறை அறிவிக்க வேண்டும் என்று தமிழ் மாநில காங்கிரஸ் சார்பில் கோரிக்கை விடுக்கப்பட்டுள்ளது.

இது தொடர்பாக தமிழ் மாநில காங்கிரஸ் தூத்துக்குடி (வடக்கு) மாவட்ட தலைவர் கே. பி .ராஜகோபால் மாவட்ட ஆட்சியருக்கு விடுத்துள்ள கோரிக்கை மனுவில், "தென் கிழக்கு வங்கக் கடல் பகுதியில், குறைந்த காற்றழுத்த தாழ்வுப் பகுதி உருவாகி தொடர்ந்து அது அந்தப் பகுதியில் நிலவி வருகிறது.

இதனைத் தொடர்ந்து, வலுவான காற்றழுத்த தாழ்வுப் பகுதியாக வலுப்பெற்று மேற்கு - வடமேற்கு திசையில் நகர்ந்து புதுவை, வடதமிழகம், தெற்கு ஆந்திர கடற்கரை அருகில் நிலை கொள்ளும். இதன் காரணமாக, அடுத்து வரும் 5 தினங்களுக்கு தமிழகம், புதுவை மற்றும் காரைக்கால் பகுதிகளில் மழை தொடரும், என சென்னை வானிலை ஆய்வு மையம் தெரிவித்துள்ளது.

இந்நிலையில் இன்று மாலை கோவில்பட்டி உள்ளிட்ட பல்வேறு பகுதிகளில் பலத்த பற்றும் பரவலாக மழை பெய்துள்ளது. மாலை 4 மணிக்கு மேல் பெய்த மழை காரணமாக பள்ளி முடித்து வீட்டுக்கு சென்ற மாணவ மாணவிகள் மழையில் நனைந்தபடி மிகவும் சிரமத்துடன் சென்றனர். ஏற்கனவே 17ஆம் தேதி வரை மழை தொடரும் என வானிலை ஆராய்ச்சி மையம் தெரிவித்துள்ளது.

இதில் நாளை 15ஆம் தேதி கனமழை பெய்ய வாய்ப்புள்ளது என தெரிவிக்கப்பட்டுள்ளதால், பள்ளி மாணவ மாணவிகளின் பாதுகாப்பு கருதி தூத்துக்குடி மாவட்டத்தில் உள்ள பள்ளிகளுக்கு மட்டும் நாளை விடுமுறை அளிக்க வேண்டும் என்று கோரிக்கை விடுத்துள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: