நான் முதல்வன் திட்டத்தில் மதர் தெரசா பொறியியல் கல்லூரி சாதனை: தமிழக அரசு பாராட்டு

தூத்துக்குடி வாகைகுளம் செயின்ட் மதர் தெரசா பொறியியல் கல்லூரிக்கு நான் முதல்வன் திட்டத்தில் அதிகபட்ச வேலைவாய்ப்பு பெற்றமைக்கு சாதனை சான்றிதழ் வழங்கப்பட்டுள்ளது. 

தமிழக அரசின் நான் முதல்வன் திட்டத்தின் கீழ் வேலைவாய்ப்புகளை வெற்றிகரமாக செயல்படுத்துவதில் செயின்ட் மதர் தெரசா பொறியியல் கல்லூரி சிறப்பாக செயல்பட்டது. மேலும் கல்லூரியின் தொடர்ச்சியான மற்றும் இடைவிடாத ஆதரவிற்காகவும், அரசின் திட்டங்களை உயர்ந்த அளவில் செயல்படுத்துவதற்கும் உறுதுணையாக செயல்பட்டதற்கும், தமிழக அரசின் பயிற்சி மற்றும் வளர்ச்சி துறை கழக மேலாண்மை இயக்குநர் இன்னொசென்ட் திவ்யா, ஐ ஏ.எஸ். பாராட்டு சான்றிதழ் வழங்கியுள்ளார். 

இந்த திட்டத்தின் கீழ் ஏராளமான மாணவர்கள் வேலைவாய்ப்பு பெற்றுள்ளனர். இதற்காக பாடுபட்ட கல்லூரி முதல்வர் ஜார்ஜ் கிளிங்டன், ஒருங்கிணைப்பாளர் பேராசிரியர் ராமசாமி, வேலைவாய்ப்பு மற்றும் பயிற்சி துறை பேராசிரியர் ரீகன்,பாலின் விசு, மற்ற துறை பேராசிரியர்கள், நிர்வாக மேலாளர் விக்னேஷ் ஆகியோரை ஸ்காட் கல்விக்குழும நிறுவனர் கிளிட்டஸ் பாபு பாராட்டினார்.