தூத்துக்குடி காவல்துறைக்கு புதிய ரோந்து வாகனங்கள் : எஸ்பி துவக்கி வைத்தார்!

தூத்துக்குடி  மாவட்ட காவல்துறைக்கு ரூ.7 லட்சம் மதிப்புள்ள 8 இருசக்கர ரோந்து வாகனங்களை எஸ்பி பாலாஜி சரவணன் துவக்கி வைத்தார்.

தமிழ்நாடு அரசு தூத்துக்குடி மாவட்ட காவல்துறையின் ரோந்துப் பணிக்கு வழங்கிய ரூ.7,04,208 மதிப்புள்ள 8 இருசக்கர ரோந்து வாகனங்களை காவல்துறை தலைமை இயக்குனர் உத்தரவுப்படி மாவட்ட காவல் கண்காணிப்பாளர் பாலாஜி சரவணன் இன்று கொடியசைத்து துவக்கி வைத்தார்.  அதன்படி ஆறுமுகநேரி, மத்தியபாக போக்குவரத்து பிரிவு, தென்பாக போக்குவரத்து பிரிவு, தாளமுத்துநகர், முத்தையாபுரம், சிப்காட், திருச்செந்தூர் கோவில் காவல் நிலையம் மற்றும் குலசேகரபட்டினம் ஆகிய காவல் நிலைய ரோந்துப் பணிக்கு வழங்கினார்.