தூத்துக்குடி அனன்மின் நிலையத்தில் ஊழியர் திடீர் மரணம் - போலீஸ் விசாரணை!

தூத்துக்குடி என்டிபிஎல் அனன்மின் நிலையத்தில் பணியில் இருந்த ஊழியர் திடீரென மூச்சுத்தினறல் ஏற்பட்டு உயிரிழந்தார். 

தூத்துக்குடி கோரம்பள்ளம் மாதவன் நகரைச் சேர்ந்தவர் தாமஸ் மகன் சுதாகர் (29), இவர் தூத்துக்குடி என்டிபிஎல் அனன்மின் நிலையத்தில் எலக்ட்ரானிக் காண்ட்ராக்ட் சூப்பர்வைசராக வேலை பார்த்து வந்துள்ளார். நேற்று பணியில் இருந்தபோது திடீரென மூச்சு திணறி உயிரிழந்ததாக கூறப்படுகிறது. இது குறித்து தகவல் அறிந்த தெர்மல் நகர் போலீஸ் இன்ஸ்பெக்டர் (பொறுப்பு) ராஜாராம் சம்பவ இடத்துக்கு சென்று சடலத்தை கைப்பற்றி பரிசோதனைக்காக தூத்துக்குடி அரசு மருத்துவமனைக்கு அனுப்பி வைத்தார். மேலும் அவரது மரணத்திற்கான காரணம் குறித்து வழக்குப் பதிந்து விசாரணை நடத்தி வருகிறார்.