விபத்தில் காயம் அடந்த வாலிபர் பரிதாப சாவு!

தூத்துக்குடி மாவட்டம், கடம்பூர் அருகே உள்ள தென்னம்பட்டி கிராமம் கிழக்குத் தெருவைச் சேர்ந்தவர் சுந்தர்ராஜ் மகன் திருமள்ளன் (26). இவர் கடம்பூரில் இருந்து புளியம்பட்டிக்கு தனது மோட்டார் பைக்கில் சென்று கொண்டிருந்தபோது நிலை தடுமாறி கீழே விழுந்து தலையில் பலத்த காயம் ஏற்பட்டது. இதையடுத்து நெல்லை அரசு மருத்துவமனையில் அனுமதிக்கப்பட்ட அவர் சிகிச்சை பலனளிக்காமல் இறந்தார். இந்த சம்பவம் குறித்து கடம்பூர் போலீஸ் இன்ஸ்பெக்டர் சோமசுந்தரம் வழக்குப் பதிந்து விசாரணை நடத்தி வருகிறார்.