லாரி மீது மொபட் மோதி விபத்து: முதியவர் பலி

எட்டயபுரம் அருகே நின்று கொண்டிருந்த லாரி மீது மொபட் மோதியதில் முதியவர் பரிதாபமாக இறந்தார். 

தூத்துக்குடி மாவட்டம், விளாத்திகுளம் அருகே உள்ள வில்வமரத்துப்பட்டி கிராமத்தைச் சேர்ந்தவர் அந்தோணி (60). கூலி தொழிலாளி இவர் நேற்று எட்டயபுரத்தில் உள்ள தனது மகள் வீட்டிற்கு வந்தார். பின்னர் மகளை பார்த்துவிட்டு ஊருக்கு தனது மொபட்டில் விளாத்திகுளம் நோக்கி சென்று கொண்டிருந்தார். அப்போது கழுகாசலபுரம் விலக்கு அருகே நின்று கொண்டிருந்த லாரி மீது எதிர்பாராத விதமாக மொபட் மோதி அந்தோணி சம்பவ இடத்திலேயே பலியானார்.

தகவல் அறிந்ததும் எட்டயபுரம் போலீசார் சம்பவ இடத்திற்கு வந்தனர். அவரது உடலை கைப்பற்றி பிரேத பரிசோதனைக்காக எட்டயபுரம் அரசு மருத்துவமனைக்கு அனுப்பி வைத்தனர். மேலும் இதுகுறித்து போலீசார் லாரி டிரைவர் பிள்ளையார் நத்தம் கிராமத்தைச் சேர்ந்த கண்ணன் என்பவரிடம் விசாரணை நடத்தி வருகின்றனர்.