அதிமுக பொதுச்செயலாளர் பதவிக்கு வேட்பு மனு: எடப்பாடி கே. பழனிசாமிக்கு வாழ்த்து!

அதிமுக பொதுச்செயலாளர் பதவிக்கு வேட்பு மனு செய்த முன்னாள் முதலமைச்சர் எடப்பாடி கே. பழனிசாமியை வழிமொழிந்து முன்னாள் அமைச்சர் எஸ்.பி. சண்முகநாதன் வாழ்த்து தெரிவித்தார். 

அதிமுகவின் பொதுச் செயலாளர் பதவிக்கு இடைக்கால பொதுச் செயலாளரும் சட்டமன்ற எதிர்க்கட்சித் தலைவரும் முன்னாள் முதலமைச்சருமான எடப்பாடி கே. பழனிசாமி இன்று சென்னை ராயப்பேட்டையில் உள்ள  அதிமுக தலைமை கழக அலுவலகத்தில் வைத்து வேட்புமனு தாக்கல் செய்தார். அவரது மனுவை வழிமொழிந்து கையெழுத்திட்ட தூத்துக்குடி தெற்கு மாவட்ட அதிமுக செயலாளரும் முன்னாள் அமைச்சர்ருமான எஸ்.பி. சண்முகநாதன், பூங்கொத்து வழங்கி வாழ்த்து தெரிவித்தார். உதவியாளர்கள் பாலஜெயம், சாம்ராஜ், ஆனந்த் உள்ளிட்டோர் உடனிருந்தனர்.