ஒட்டுப்போடுவதில் கூட ஒழுங்கா போடவில்லை: ஓட்டுப் போட்ட மக்கள் வேதனை!

தூத்துக்குடி மாவட்டம், விளாத்திகுளம் அருகில் உள்ள வேம்பார் பகுதியில் அஞ்சலகம் முதல் பெரியசாமிபுரம்  வரை தார் சாலையின் இருபுறமும் முற்றிலும் சேதமடைந்திருந்தது. சாலையின் இருபுறம் மட்டுமின்றி சாலையே குண்டும் குழியுமாக இருந்தது. இந்நிலையில் கடந்த இரு நாட்களுக்கு முன்பு சாலை சீரமைப்பு பணி என்ற பெயரில் இருபுறமும் சல்லிக்கற்கள் மணல் கொட்டப்பட்டு வேம்பார் அஞ்சலகம் முதல் சுனாமி நகர் வரை பணி நடந்துள்ளது. 

பணி நடக்கும்போதே அந்த வழியில் உள்ள அரசு மருத்துவமனைக்கு செல்பவர்களுக்கு இடையூறு ஏற்படுத்தும் வகையில் எந்திரங்கள் பயன்படுத்தப்பட்டன. மக்களின் வரிப்ப ணத்தில் சாலை சீரமைப்பு என்ற பெயரில் சாலையை சீரழித்து வைத்துள்ளனர். வேம்பார் வழியாக பெரியசாமிபுரம், பச்சையாபுரம் மற்றும் பல கிராமங்களுக்கு செல்லும் பிரதான வழியாகும். இது தவிர வேம்பார் அரசு மருத்துவமனையும் இப்பகுதியில் உள்ளது. சுமார் பத்துக்கும் மேற்பட்ட கிராம மக்கள் மருத்துவத்திற்காக இங்குதான் வந்து செல்கின்றனர்.

ஆனால் பல தரப்பு பொதுமக்களின் பாதுகாப்பு நலனை கருத்தில் கொள்ளாமல் பெயரளவிற்கு சாலைப் பணி என்ற பெயரில் கற்களையும் மணலையும் கலந்து அப்படியே சாலையின் இரு புறமும் சாலையின் நடுவில் சேதமடைந்த இடங்களிலும் முறையான வகையில் இல்லாமல் ஏதோ பெயருக்கு போட்டுவிட்டு சென்றுவிட்டனர். இதில் வேதனைக்குரிய விஷயம் என்னவென்றால் முன்பைவிட தற்போது விபத்து அதிகம் ஏற்படும் சூழல் உள்ளது. இருச்சர வாகனங்கள் சைக்கிளில் செல்பவர்கள் ஏன் நடந்து செல்பவர்களுக்கு கூட விழுந்து செல்லும் அளவிற்கு சாலையை மாற்றியமைத்துவிட்டனர்.

இதுகுறித்து கருத்து தெரிவித்த பொதுமக்கள், "யார் ஒப்பஒப்பந்ததாரர்களாக இருந்தாலும் ஒட்டுப் போட்டு சீரமைக்கிறோம் என்ற பெயரில் ஒழுங்கற்ற முறையில் சாலையை அலங்கோலப்படுத்தி ஓட்டுப் போட்ட மக்களை ஏமாற்றி வேதனைக்கு உள்ளாக்கியுள்ளார். எனவே இத்துறை தொடர்பான அதிகாரிகள் ஆய்வு செய்து மீண்டும் சரியான முறையில் சாலையினை சீரமைக்க வேண்டும் என்றும்  தேசிய சமூக நல அமைப்பு மற்றும் சமூக ஆர்வலர்கள் பொதுமக்கள் கோரிக்கை விடுத்துள்ளனர். சாலை மாறுமா இல்லை வேலையே அவ்வளவுதானா என்பது சம்பந்தப்பட்ட ஒப்பந்தகாரர்களிடம் அதிகாரிகளின் கையிலும்தான் உள்ளது.