மீனவர்கள் காணாமல்போன பிறகும் நடவடிக்கை எடுக்காதது மற்றும் இவ்வளவு பெரிய துயரத்திற்குப் பிறகும் மீன்வளத்துறை அமைச்சர் மக்களைச் சந்திக்க வராதது ஏன் என கனிமொழி எம்பி கேள்வி எழுப்பியுள்ளார்.
முரசு புயலில் சிக்கி ஆந்திரா அருகே சென்னை காசிமேட்டைச் சேர்ந்த 5 மீனவர்கள் உயிரிழந்த சம்பவம் பெரும் சோகத்தை ஏற்படுத்தியுள்ள நிலையில், இத்துயரச் சம்பவத்திற்குப் பிறகும் மீன்வளத்துறை அமைச்சர் பாதிக்கப்பட்ட மக்களை நேரில் சந்திக்க வராதது ஏன் என திமுக எம்பி கனிமொழி கேள்வி எழுப்பியுள்ளார்.
இது தொடர்பாகத் தனது எக்ஸ் (X) சமூக வலைதளப் பக்கத்தில் அவர் வெளியிட்டுள்ள பதிவில் கூறியிருப்பதாவது: "முரசு புயலில் சிக்கி சென்னை காசிமேடு மீனவர்கள் உயிரிழந்த செய்தி மிகுந்த வேதனையளிக்கிறது. அவர்களை இழந்து தவிக்கும் குடும்பத்தினருக்கு எனது ஆழ்ந்த இரங்கலைத் தெரிவித்துக் கொள்கிறேன்.
மீனவர்கள் காணாமல் போனதாகத் தகவல் தெரிவித்தும் உடனடியாக நடவடிக்கை எடுக்காதது ஏன்? இவ்வளவு பெரிய துயரத்திற்குப் பிறகும் மீன்வளத்துறை அமைச்சர் பாதிக்கப்பட்ட அம்மக்களை நேரில் வந்து சந்திக்க வராதது ஏன்?
பேரிடர் காலத்திலும் அலட்சியமாகச் செயல்பட்ட தவெக அரசு, இத்துயரத்திற்கு உடனடியாகப் பொறுப்பேற்று, உயிரிழந்த மீனவர்களின் குடும்பங்களுக்கான நிவாரணத் தொகையை உயர்த்திக் வழங்க வேண்டும்" எனத் தெரிவித்துள்ளார்.