கன்னியாகுமரி மாவட்ட காவல் கண்காணிப்பாளர் அன்ஷுல் நாகர் உத்தரவின்படி, நகரின் முக்கியப் பகுதிகளில் போக்குவரத்து போலீசார் தீவிர வாகனத் தணிக்கையில் ஈடுபட்டனர். விதிகளை மீறிச் சரியாக நம்பர் பிளேட் பொருத்தாமல் இயக்கப்பட்ட 161 வாகனங்கள் கண்டறியப்பட்டு அபராதம் விதிக்கப்பட்டதுடன், சம்பவ இடத்திலேயே புதிய நம்பர் பிளேட் பொருத்தவும் அறிவுறுத்தப்பட்டது.
பொதுமக்களின் பாதுகாப்பு மற்றும் போக்குவரத்து விதிகளை முறைப்படுத்தும் நோக்கில், கன்னியாகுமரி மாவட்ட காவல் கண்காணிப்பாளர் அன்ஷுல் நாகர் உத்தரவின்பேரில் போக்குவரத்து காவல்துறை சார்பில் நகரின் முக்கியப் பகுதிகளில் அதிரடி வாகனத் தணிக்கை மேற்கொள்ளப்பட்டது.
போலீசார் தீவிர சோதனை மேற்கொண்டபோது, மோட்டார் வாகன சட்ட விதிகளுக்கு மாறாகச் சரியாக நம்பர் பிளேட் பொருத்தாமல் (Defective Number Plate) இயக்கப்பட்ட 161 வாகனங்களைச் காவல்துறையினர் கண்டறிந்தனர்.
விதிமுறைகளை மீறித் தெளிவற்ற மற்றும் முறையற்ற எண் பலகைகளுடன் இயங்கிய அந்த 161 வாகனங்களுக்கும் அபராதம் விதிக்கப்பட்டது. மேலும், வாகன ஓட்டிகள் மற்றும் உரிமையாளர்களுக்கு எச்சரிக்கை விடுக்கப்பட்டதுடன், சம்பவ இடத்திலேயே புதிய மற்றும் சரியான விதிமுறைப்படியிலான நம்பர் பிளேட்டுகளைப் பொருத்தவும் உத்தரவிடப்பட்டது.
இதனைத் தொடர்ந்து, வாகன ஓட்டிகள் தங்களது வாகனங்களின் எண் பலகைகளைச் சரி செய்த பின்னரே காவல்துறையினர் அங்கிருந்து செல்ல அனுமதித்தனர்.
பொதுமக்கள் மற்றும் வாகன ஓட்டிகள் அனைவரும் அரசு விதித்துள்ள விதிமுறைகளின்படி, தங்களது வாகனங்களில் தெளிவான எண் பலகைகளைப் பொருத்த வேண்டும் என்றும், போக்குவரத்து விதிகளுக்குக் கீழ்ப்படிந்து காவல்துறைக்கு முழு ஒத்துழைப்பு வழங்குமாறும் கன்னியாகுமரி மாவட்ட போக்குவரத்து காவல்துறை கேட்டுக்கொண்டுள்ளது.