டி.என்.பி.எஸ்.சி. செயலாளராக உமா மகேஸ்வரி நியமனம்

டி.என்.பி.எஸ்.சி. செயலாளர், தேர்வு கட்டுப்பாட்டு அலுவலராக ஐ.ஏ.எஸ். அதிகாரிகள் 2 பேர் நியமனம் செய்யப்பட்டு இருக்கின்றனர்.

தமிழ்நாடு அரசு பணியாளர் தேர்வாணையத்தின் தேர்வு கட்டுப்பாட்டு அலுவலராக சுதனும், செயலாளராக நந்தகுமாரும் இருந்தனர். புதிய அரசு பொறுப்பேற்றதில் இருந்து ஐ.ஏ.எஸ்., ஐ.பி.எஸ். அதிகாரிகளை இடமாற்றம் செய்து வருகின்றனர். அந்த வகையில் கடந்த 13-ந்தேதி 54 ஐ.ஏ.எஸ். அதிகாரிகள் இடமாற்றம் செய்யப்பட்டதில், தேர்வு கட்டுப்பாட்டு அலுவலராக இருந்த சுதனும் மாற்றப்பட்டார். 

அதேபோல் செயலாளராக இருந்த நந்தகுமார், ஏற்கனவே மாற்றம் செய்யப்பட்டு, தற்போது அவர் பள்ளிக்கல்வி ஆணையராக உள்ளார். இந்நிலையில் டி.என்.பி.எஸ்.சி. செயலாளர், தேர்வு கட்டுப்பாட்டு அலுவலராக ஐ.ஏ.எஸ். அதிகாரிகள் 2 பேர் நியமனம் செய்யப்பட்டு இருக்கின்றனர். இதுதொடர்பாக டி.என்.பி.எஸ்.சி. வெளியிட்டுள்ள செய்திக்குறிப்பில்,  தமிழ்நாடு அரசு பணியாளர் தேர்வாணையத்தின் தேர்வு கட்டுப்பாட்டு அலுவலராக கிரண் குராலாவும், செயலாளராக பி.உமா மகேஸ்வரியும் நியமிக்கப்பட்டு உள்ளனர் என்று தெரிவிக்கப்பட்டுள்ளது.