தேர்தலுக்கு முன்னதாகவே வெளியாகும் ரஜினி-கமல் படத்தின் புரோமோ!

» சினிமா » செய்திகள்

தேர்தலுக்கு முன்னதாகவே வெளியாகும் ரஜினி-கமல் படத்தின் புரோமோ!

வியாழன் 12, பிப்ரவரி 2026 3:39:24 PM (IST)

இன்பநிதி தயாரிப்பில் ரஜினி - கமல் இணைந்து நடிக்கும் படத்தின் புரோமோவை தேர்தலுக்கு முன்னதாகவே வெளியிடப் படக்குழு திட்டமிட்டுள்ளது.

தமிழ் திரையுலகின் இரு துருவங்களான சூப்பர் ஸ்டார் ரஜினிகாந்த் மற்றும் உலகநாயகன் கமல்ஹாசன் நீண்ட இடைவேளைக்குப் பிறகு ஒரே படத்தில் இணையப்போவதாக வெளியாகி வரும் தகவல்கள், ரசிகர்களிடையே பெரும் உற்சாகத்தை ஏற்படுத்தியுள்ளது.

ஜெயிலர்' படத்தின் வெற்றியைத் தொடர்ந்து, நெல்சன் திலீப்குமார் இந்தப் படத்தை இயக்கவுள்ளதாகக் கூறப்படுகிறது. தமிழக துணை முதல்வர் உதயநிதி ஸ்டாலினின் மகன் இன்பநிதி இந்தப் படத்தின் முதன்மை தயாரிப்பாளராகப் களமிறங்க உள்ளதாகத் தெரிகிறது. இவருடன் இணைந்து ஐஸ்வர்யா ரஜினிகாந்த் மற்றும் ஸ்ருதிஹாசன் ஆகியோரும் தயாரிப்புப் பணிகளில் ஈடுபட உள்ளதாகத் தகவல்கள் கசிந்துள்ளன.

இந்தப் படத்தின் மற்றொரு சுவாரசியமான தகவல் என்னவென்றால், ரஜினி மற்றும் கமல் இருவருமே படத்திற்காகத் தனியாகச் சம்பளம் வாங்காமல், படத்தின் லாபத்தில் பங்கு (Profit Sharing) என்ற அடிப்படையில் ஒப்பந்தம் செய்யப்பட்டுள்ளதாகக் கூறப்படுகிறது. இதற்காகச் சென்னையில் பிரமாண்டமான கார் மெக்கானிக் ஷாப் மற்றும் ஹோட்டல் போன்ற அரங்குகள் (Sets) ஏற்கனவே அமைக்கப்பட்டுள்ளன.

இப்படத்தின் புரோமோ படப்பிடிப்பு சென்னையில் ரகசியமாகத் தொடங்கி நடைபெற்று வருகிறது. ரஜினி சம்பந்தப்பட்ட காட்சிகள் சுமார் 15 நாட்கள் படமாக்கப்பட உள்ளன. வரும் தேர்தலுக்கு முன்னதாகவே புரோமோவை வெளியிடப் படக்குழு திட்டமிட்டுள்ளது.

தற்போது ரஜினிகாந்த் 'ஜெயிலர்-2' படத்தின் பணிகளில் பிஸியாக உள்ளார். இதன் பணிகள் முடிந்தவுடன், மார்ச் மாதத்தில் இயக்குநர் சிபி சக்கரவர்த்தி இயக்கத்தில் தனது 173-வது படத்தின் (Thalaivar 173) படப்பிடிப்பில் அவர் கலந்துகொள்வார் என எதிர்பார்க்கப்படுகிறது.

ரஜினியின் 173-வது படத்தை சிபி சக்கரவர்த்தி இயக்குவது ஒருபுறம் இருக்க, கமல் தயாரிப்பில் ரஜினி நடிக்கும் படம் குறித்த அதிகாரப்பூர்வ அறிவிப்பு விரைவில் வெளியாகும் என எதிர்பார்க்கப்படுகிறது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

தேர்தலுக்கு முன்னதாகவே வெளியாகும் ரஜினி-கமல் படத்தின் புரோமோ!

» சினிமா » செய்திகள்