» செய்திகள் - விளையாட்டு » விளையாட்டு
என்னுடைய 800 விக்கெட் சாதனையை யாராலும் முறியடிக்க முடியாது: முத்தையா முரளிதரன்
திங்கள் 9, செப்டம்பர் 2024 5:46:27 PM (IST)
டெஸ்ட் கிரிக்கெட்டில் என்னுடைய 800 விக்கெட் சாதனையை யாராலும் முறியடிக்க முடியாது என்று முத்தையா முரளிதரன் கூறியுள்ளார்.
இலங்கை கிரிக்கெட் அணியின் முன்னாள் கிரிக்கெட் வீரர் முத்தையா முரளிதரன். இவர் இலங்கை அணிக்காக 133 டெஸ்ட், 350 ஒருநாள் மற்றும் 12 டி20 போட்டிகளில் ஆடி உள்ளார். உலகின் தலைசிறந்த சுழற் பந்து வீச்சாளரான இலங்கையைச் சேர்ந்த முத்தையா முரளிதரன் டெஸ்ட் கிரிக்கெட்டில் 800 விக்கெட்டுகள் வீழ்த்தி யாருமே அவ்வளவு எளிதில் வீழ்த்த முடியாத உலக சாதனையை படைத்திருக்கிறார்.வளர்ந்து வரும் நவீன கிரிக்கெட்டில் அவரது உலக சாதனையை யார் முறியடிப்பார்கள்? என்பது கேள்விக்குறியாக உள்ளது. இந்த சூழ்நிலையில் தனது சாதனையை முறியடிப்பது என்பது தற்போதைய கிரிக்கெட்டில் சாதாரண விஷயம் அல்ல என்றும், அதற்கான காரணம் குறித்தும் முத்தையா முரளிதரன் விளக்கம் அளித்துள்ளார்.
இது தொடர்பாக அவர் கூறியதாவது, டெஸ்ட் கிரிக்கெட்டை பற்றி நான் மிகவும் கவலைப்படுகிறேன். ஒரு அணி வருடத்திற்கு 6 முதல் 7 டெஸ்ட் போட்டிகளில் மட்டுமே ஆடுகிறது. இங்கிலாந்து - ஆஸ்திரேலியா இடையே ஆஷஸ் தொடர் நடைபெறுகிறது. ஆனால், மற்ற நாடுகளில் இருக்கும் ரசிகர்கள் அதை விரும்பி பார்ப்பதில்லை. இதனால் டெஸ்ட் போட்டிகள் மிகவும் குறைவாகவே விளையாடப்படுகின்றன.
தற்போதுள்ள நிலையில், டெஸ்ட் கிரிக்கெட்டில் எனது 800 விக்கெட்டுகள் சாதனையை தாண்டுவது என்பது மிகவும் கடினமானது. ஏனென்றால் குறுகிய வடிவ கிரிக்கெட்டுக்கு தற்போது அதிக முக்கியத்துவம் கொடுக்கப்படுகிறது. மேலும் நாங்கள் 20 ஆண்டுகளாக கிரிக்கெட் விளையாடினோம். ஆனால் தற்போது தொழில் குறுகிய வடிவில் உள்ளது. இவ்வாறு அவர் கூறினார்.
மக்கள் கருத்து
மேலும் தொடரும் செய்திகள்
தெற்காசிய பாடி பில்டிங் சாம்பியன்ஷிப் : இந்திய வீராங்கனை யாஜிக் தங்கம் வென்றார்
செவ்வாய் 17, ஜூன் 2025 5:05:53 PM (IST)
இங்கிலாந்து டெஸ்ட் தொடரை கைப்பற்ற இந்தியாவுக்கு நல்ல வாய்ப்பு: ஹைடன் கணிப்பு
செவ்வாய் 17, ஜூன் 2025 4:49:51 PM (IST)
ஆஸ்திரேலியாவை வீழ்த்தி தென்னாப்பிரிக்கா உலக சாம்பியன்: கேப்டன் டெம்பா பவுமா சாதனை!
ஞாயிறு 15, ஜூன் 2025 11:25:04 AM (IST)
இந்தியா - இங்கிலாந்து டெஸ்ட் தொடர்: டிராபி பெயரை மாற்ற பிசிசிஐ எதிர்ப்பு?
சனி 14, ஜூன் 2025 5:25:42 PM (IST)
ஹால் ஆஃப் ஃபேம் பட்டியலில் தோனி: முதல்வர் ஸ்டாலின், துணை முதல்வர் உதயநிதி வாழ்த்து!!
செவ்வாய் 10, ஜூன் 2025 5:24:10 PM (IST)
சர்வதேச கிரிக்கெட்டில் இருந்து நிக்கோலஸ் பூரன் ஓய்வு: ரசிகர்கள் அதிர்ச்சி
செவ்வாய் 10, ஜூன் 2025 11:00:02 AM (IST)
சென்னை, பெங்களூரு மைதானங்களில் நடைபெற இருந்த கிரிக்கெட் போட்டிகள் மாற்றம்: பி.சி.சி.ஐ.
திங்கள் 9, ஜூன் 2025 5:15:03 PM (IST)
Sponsored Ads
