மழைக்கு மத்தியிலும் அதிகரிக்கும் வெப்பம்: அடுத்த சில நாட்களுக்கான வானிலை நிலவரம்!

» செய்திகள் - விளையாட்டு » தமிழகம்

மழைக்கு மத்தியிலும் அதிகரிக்கும் வெப்பம்: அடுத்த சில நாட்களுக்கான வானிலை நிலவரம்!

வியாழன் 9, ஏப்ரல் 2026 3:47:25 PM (IST)

ஓடிசா முதல் மன்னார் வளைகுடா வரை, வளிமண்டலத்தில் சுமார் 0.9 கி.மீ. உயரத்தில் நிலவும் காற்றழுத்த தாழ்வுப் பாதை காரணமாக தமிழகத்தின் பல்வேறு இடங்களில் மழைக்கு வாய்ப்புள்ளதாக சென்னை வானிலை ஆய்வு மையம் தெரிவித்துள்ளது.

மழை முன்னறிவிப்பு: தமிழகம், புதுச்சேரி மற்றும் காரைக்கால் பகுதிகளில் இன்று ஒருசில இடங்களில் இடி மற்றும் மின்னலுடன் கூடிய லேசானது முதல் மிதமான மழை பெய்யக்கூடும். நாளை (ஏப்ரல் 10) மற்றும் அதற்கு அடுத்த நாள் (ஏப்ரல் 11), மேற்கு தொடர்ச்சி மலை மாவட்டங்கள் மற்றும் அதனை ஒட்டியுள்ள பகுதிகளில் மழை தொடரும் என எதிர்பார்க்கப்படுகிறது. மற்ற மாவட்டங்களில் லேசான மழைக்கு வாய்ப்புள்ளது.

வெப்பநிலை நிலவரம்: வருகிற ஏப்ரல் 11-ஆம் தேதி வரை அதிகபட்ச வெப்பநிலையில் பெரிய அளவில் மாற்றங்கள் இருக்காது. இருப்பினும், ஏப்ரல் 12 மற்றும் 13 ஆகிய தேதிகளில் தமிழகத்தின் ஒருசில இடங்களில் வெப்பநிலையானது இயல்பை விட 2-3° செல்சியஸ் வரை படிப்படியாக உயரக்கூடும் என்று கணிக்கப்பட்டுள்ளது.

அசௌகரியமான வானிலை: இன்றும் நாளையும்தமிழகத்தின் சில பகுதிகளில் நிலவும் அதிக வெப்பநிலை மற்றும் காற்றில் உள்ள ஈரப்பதம் காரணமாக, மக்களுக்கு ஒருவிதமான அசௌகரியமான சூழல் (Muggy weather) நிலவக்கூடும் என எச்சரிக்கப்பட்டுள்ளது.

சென்னை நிலவரம்: சென்னையைப் பொறுத்தவரை வானம் ஓரளவு மேகமூட்டத்துடன் காணப்படும். நகரின் ஒருசில பகுதிகளில் இடி, மின்னலுடன் கூடிய லேசானது முதல் மிதமான மழை பெய்ய வாய்ப்புள்ளது. அதிகபட்ச வெப்பநிலையாக 38° செல்ஸியஸ் வரை பதிவாகக்கூடும்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: