தூத்துக்குடி காவல்துறை அலுவலகத்தில் சிறப்பு பிரிவு : எஸ்பி ஆல்பர்ட் ஜான் துவக்கி வைத்தார்!

» செய்திகள் - விளையாட்டு » மாவட்ட செய்தி (தூத்துக்குடி)

தூத்துக்குடி காவல்துறை அலுவலகத்தில் சிறப்பு பிரிவு : எஸ்பி ஆல்பர்ட் ஜான் துவக்கி வைத்தார்!

வெள்ளி 22, நவம்பர் 2024 8:28:13 PM (IST)

தூத்துக்குடி மாவட்ட காவல்துறை அலுவலகத்தில் புதிதாக "சிறப்பு பிரிவை" எஸ்பி ஆல்பர்ட் ஜான் இன்று துவக்கி வைத்தார்.

தூத்துக்குடி மாவட்ட காவல் கண்காணிப்பாளர் ஆல்பர்ட் ஜான் பொதுமக்களின் நலனை கருத்தில் கொண்டு பொதுமக்களின் புகார் மனு மீது உடனடியாக நடவடிக்கை எடுக்க பல்வேறு திட்டங்களை இன்று துவக்கி வைத்துள்ளார்.

அதன்படி மாவட்ட காவல் அலுவலகம் மற்றும் காவல் நிலையங்களில் புகார் அளிக்க வரும் பொதுமக்களுக்கு காவல் அலுவலக வரவேற்பாளர்கள் புகார் மனு பதிவு செய்ததற்கான வரவேற்பு சீட்டை (Reception Slip) மனுதாரருக்கு உடனடியாக வழங்க மாவட்ட காவல் கண்காணிப்பாளர் உத்தரவிட்டார்.

மாவட்ட காவல் அலுவலகம் மற்றும் காவல் நிலையங்களில் தபால் மூலம் வரும் பொதுமக்களின் புகார் மனுக்கள் மீது 5 நாட்களுக்குள் புகார்தாரரை தொடர்பு கொண்டு விசாரணை மேற்கொள்ளவும் உத்தரவிட்டுள்ளார்.

காவல் நிலைய விசாரணையில் திருப்தி அடையாத மற்றும் புதிதாக மனு கொடுக்க வரும் பொதுமக்கள் ஒவ்வொரு புதன்கிழமையிலும் மாவட்ட காவல் அலுவலகத்தில் நடைபெறும் பொதுமக்கள் குறைதீர்க்கும் மனு கூட்டத்தில் கலந்துகொண்டு மாவட்ட காவல் கண்காணிப்பாளர் அவர்களை நேரடியாக சந்தித்து தங்கள் குறைகளை தெரிவிக்கலாம் என்று மாவட்ட காவல் கண்காணிப்பாளர் தெரிவித்துள்ளார் ,

மேலும் பொதுமக்கள் குறைதீர்ப்பு மற்றும் முதலமைச்சர் தனிப்பிரிவு புகார் மனுக்கள் மீது உடனடியாக நடவடிக்கை எடுக்க மாவட்ட காவல் அலுவலகத்தில் புதிதாக "சிறப்பு பிரிவையும்" மாவட்ட காவல் கண்காணிப்பாளர் ஆல்பர்ட் ஜான் 22.11.2024 துவக்கி வைத்தார். எனவே தூத்துக்குடி மாவட்டத்தை சேர்ந்த பொதுமக்கள் மேற்படி திட்டங்கள் மூலம் பயன்பெறுமாறு மாவட்ட காவல் கண்காணிப்பாளர் தெரிவித்துள்ளார்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

மேலும் தொடரும் செய்திகள்

தூத்துக்குடி காவல்துறை அலுவலகத்தில் சிறப்பு பிரிவு : எஸ்பி ஆல்பர்ட் ஜான் துவக்கி வைத்தார்!

» செய்திகள் - விளையாட்டு » மாவட்ட செய்தி (தூத்துக்குடி)