திருமண மண்டபத்தில் ஒருவர் வெட்டிக் கொலை : உறவினர் வெறிச்செயல்!

பின்னர் பந்தியில் உணவு பரிமாறியபோது செந்தில்குமாருக்கும், துரைப்பாண்டிக்கும் இடையே திடீரென்று வாக்குவாதம் ஏற்பட்டது. உடனே அவர்களை உறவினர்கள் சமாதானப்படுத்தினர். பின்னர் சமுதாய நலக்கூடத்தின் வெளியே நின்று செந்தில்குமார் உறவினர்களிடம் பேசிக் கொண்டிருந்தார். அப்போது அங்கு வந்த துரைப்பாண்டி அரிவாளால் செந்தில்குமாரின் வலது காலில் வெட்டியதாக கூறப்படுகிறது. 

இதில் பலத்த காயமடைந்த அவரை உறவினர்கள் மீட்டு சிகிச்சைக்காக உடன்குடி அரசு ஆஸ்பத்திரிக்கு கொண்டு சென்றனர்.  அங்கு அவருக்கு தீவிர சிகிச்சை அளிக்கப்பட்டது. ஆனாலும், சிகிச்சை பலனின்றி சிறிதுநேரத்தில் செந்தில்குமார் பரிதாபமாக இறந்தார்.  இந்த சம்பவம் குறித்து குலசேகரப்பட்டினம் காவல் நிலைய இன்ஸ்பெக்டர் ரகுராஜன் வழக்கு பதிவு செய்து துரைப்பாண்டியை கைது செய்து விசாரணை நடத்தி வருகிறார். திருமண மண்டபத்தில் நடந்த இந்த கொலை சம்பவம் அப்பகுதியில் பெரும் பரபரப்பை ஏற்படுத்தி உள்ளது.