இஸ்ரேலில் ஹமாஸ் தாக்குதல்; ஆயிரம் பேர் பலி என அதிர்ச்சி தகவல்

» செய்திகள் - விளையாட்டு » உலகம்

இஸ்ரேலில் ஹமாஸ் தாக்குதல்; ஆயிரம் பேர் பலி என அதிர்ச்சி தகவல்

திங்கள் 9, அக்டோபர் 2023 11:48:25 AM (IST)

இஸ்ரேலில் ஹமாஸ் பயங்கரவாத குழு நடத்திய ஏவுகணை தாக்குதலில் ஆயிரத்திற்கும் மேற்பட்டவர்கள் பலியாகி உள்ளனர் என தகவல் வெளிவந்துள்ளது.

இஸ்ரேல் மீது காசா முனையில் செயல்பட்டு வரும் ஹமாஸ் பயங்கரவாத குழு நேற்று அதிரடியாக ஏவுகணை தாக்குதலை நடத்தியது. திடீரென ஆயிரக்கணக்கான ஏவுகணைகளை அடுத்தடுத்து ஏவி, அதிர்ச்சி ஏற்படுத்தியது. இஸ்ரேலும், பதில் தாக்குதலுக்கு தயாரானது. பதிலடியும் கொடுத்தது. இதனால் இஸ்ரேலில் போர் பதற்றம் ஏற்பட்டுள்ளது.

இஸ்ரேலில் நடந்த இந்த ஏவுகணை தாக்குதலில் பெண்கள், முதியவர்கள் என நூற்றுக்கணக்கானோர் படுகொலை செய்யப்பட்டு உள்ளனர். 700-க்கும் மேற்பட்டோர் காயமடைந்தும், மருத்துவமனையில் சேர்க்கப்பட்டும் உள்ளனர். இஸ்ரேலில் பயங்கரவாத தாக்குதல் எதிரொலியாக டெல் அவிவ் நகருக்கான ஏர் இந்தியா விமானம் ஒரு வாரத்திற்கு ரத்து செய்யப்பட்டு உள்ளது.

இஸ்ரேல் மீதான ஹமாஸ் படையின் தாக்குதலுக்கு இங்கிலாந்து, பிரான்ஸ், ஜெர்மனி உள்ளிட்ட நாடுகள் கண்டனம் தெரிவித்துள்ளன. இதுகுறித்து பிரதமர் மோடி வெளியிட்டுள்ள பதிவில், "இஸ்ரேல் மீதான பயங்கரவாத தாக்குதல் அதிர்ச்சி அளிக்கிறது" என தெரிவித்துள்ளார்.இஸ்ரேல் பிரதமர் பெஞ்சமின் நேதன்யாகுவை, அமெரிக்க அதிபர் பைடன் தொலைபேசி வழியே தொடர்பு கொண்டு, இஸ்ரேலுக்கான முழு ஆதரவை உறுதிப்படுத்தினார்.

இந்நிலையில், இஸ்ரேல் சார்பில் இன்றிரவு வெளியிடப்பட்ட அதிகாரப்பூர்வ தகவலின்படி, இஸ்ரேலில் நடத்தப்பட்ட ஹமாஸ் பயங்கரவாத அமைப்பினரின் ஏவுகணை தாக்குதலில் 1000 பேர் பலியாகி உள்ளனர் என்ற அதிர்ச்சி தகவல் வெளிவந்து உள்ளது. இதுபற்றி இஸ்ரேல் கூறும்போது, இஸ்ரேலில் பலி எண்ணிக்கை 1000 ஆக உயர்ந்து உள்ளது என அறிவிப்பதில் நாங்கள் உடைந்து போயுள்ளோம்.

இதில், தாக்குதலில் காயம் அடைந்தவர்களுக்கு எங்களால் முடிந்தவரை நாங்கள் சிகிச்சைக்கான ஒவ்வொரு விசயமும் செய்து வருகிறோம். கூடுதலாக உயிரிழப்புகள் ஏற்படாமல் தடுக்கும் பணியில் ஈடுபட்டு உள்ளோம். இந்த அட்டூழியத்திற்கு பொறுப்பான ஹமாஸ் பயங்கரவாதிகள், இதற்கான அதிக விலையை கொடுப்பார்கள் என தெரிவித்து உள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: