தாஷ்கண்ட் பல்கலைக்கழக விழாவில் பிரதமர் மோடி பேசியதாவது: "பல நூற்றாண்டுகளுக்கு முன்பு தமிழில் இயற்றப்பட்ட திருக்குறள்; ஆன்மிகம், தத்துவம் மற்றும் வாழ்க்கைக்குத் தேவையான அனைத்து ஞானத்தையும் கொண்ட சிறந்த வழிகாட்டியாகத் திகழ்கிறது. அது மனித வாழ்வின் அனைத்து நிலைகளிலும் தொடர்ந்து உத்வேகத்தை அளித்து வருகிறது.
தாஷ்கண்ட் பல்கலைக்கழகம் தனது 80-வது ஆண்டு விழாவைக் கொண்டாடும் இந்த வேளையில், திருக்குறளை உஸ்பெக் மொழியில் மொழிபெயர்க்கும் முயற்சியை நீங்கள் மேற்கொள்ளலாம். இந்த வரலாற்றுச் சிறப்புமிக்க முயற்சி இங்குள்ள அறிவுச் செல்வத்தை உண்மையிலேயே செழுமைப்படுத்தும். மிகச் சிறந்த ஆற்றல் கொண்ட இந்த உலகப் பொதுமறையோடு நீங்களும் ஒரு நல்ல பிணைப்பை உணர்வீர்கள்.
தாஷ்கண்ட் பல்கலைக்கழகம் என்பது வெறும் பட்டங்களைப் பெறும் சாதாரணக் கல்வி நிறுவனம் மட்டுமல்ல; அது அறிவின் பரந்த கடலில் நம்மை முழுமையாகத் தயார்படுத்திக் கொள்ள வாய்ப்பளிக்கும் ஒரு மகத்தான அர்ப்பணிப்புக் கூடம்" எனப் பிரதமர் மோடி பெருமிதத்துடன் குறிப்பிட்டார்.