தூத்துக்குடி தெற்கு புதுத்தெருவைச் சேர்ந்தவர் அந்தோணி தாசன் மகன் ஜான்சன் (32). இவர் கேரள மாநிலத்தில் தங்கி மீன்பிடித் தொழில் செய்து வந்தார். இந்நிலையில், கேரளாவில் இருந்து சமீபத்தில் தூத்துக்குடியில் உள்ள தனது வீட்டிற்கு ஜான்சன் வந்துள்ளார்.
அங்கு குடும்பப் பிரச்சினை காரணமாக மிகுந்த மன உளைச்சலில் இருந்த ஜான்சன், நேற்று இரவு தனது வீட்டில் உள்ள மின்விசிறியில் திடீரெனத் தூக்கிட்டுத் தற்கொலை செய்து கொண்டார்.
இச்சம்பவம் குறித்து தகவலறிந்த மத்திய பாகம் காவல் நிலைய ஆய்வாளர் பாஸ்கரன் மற்றும் போலீசார் விரைந்து வந்து, ஜான்சனின் உடலைக் கைப்பற்றி பிரேதப் பரிசோதனைக்காகத் தூத்துக்குடி அரசு மருத்துவமனைக்கு அனுப்பி வைத்தனர். மேலும், இச்சம்பவம் தொடர்பாக வழக்குப் பதிவு செய்து விசாரணை நடத்தி வருகின்றனர்.