» செய்திகள் - விளையாட்டு » விளையாட்டு
டி20 உலகக் கோப்பை : இங்கிலாந்தை வீழ்த்தி இறுதி போட்டிக்கு முன்னேறியது இந்திய அணி
வெள்ளி 28, ஜூன் 2024 10:19:04 AM (IST)
![](http://media.tutyonline.net/assets/2024_Part_02/rohitsky.jpg)
டி20 உலகக் கோப்பை போட்டியின் 2-ஆவது அரையிறுதியில், இந்தியா 68 ரன்கள் வித்தியாசத்தில் இங்கிலாந்தை வீழ்த்தி இறுதி ஆட்டத்துக்கு முன்னேறியது.
ஐசிசி டி20 உலகக் கோப்பை தொடரின் அரையிறுதி போட்டி மேற்கு இந்தியத் தீவுகளின் கயானாவில் நடைபெற்றது. மழை காரணமாக ஆட்டம் 1 மணி நேரம் தாமதமாக துவங்கியது. இந்திய நேரப்படி, வியாழக்கிழமை இரவு 9 மணிக்கு தொடங்கிய ஆட்டத்தில் டாஸ் வென்ற இங்கிலாந்து, பந்துவீச்சை தேர்வு செய்தது. இந்தியாவின் இன்னிங்ஸில் கேப்டன் ரோஹித் சர்மா அதிரடி காட்ட, கோலி 1 சிக்ஸருடன் 9 ரன்களுக்கு ஆட்டமிழந்தார்.
ரிஷப் பந்த் 4 ரன்களுக்கே நடையைக் கட்ட, 4-ஆவது பேட்டராக சூர்யகுமார் யாதவ் களம் புகுந்தார். இந்தியா 8 ஓவர்களில் 2 விக்கெட்டுகள் இழந்து 65 ரன்கள் சேர்த்திருந்தபோது மீண்டும் மழையால் ஆட்டம் தடைப்பட்டது. மீண்டும் தொடங்கிய ஆட்டத்தில் ரோஹித் - சூர்யகுமார் கூட்டணி 73 ரன்கள் சேர்த்து அசத்தியது. இதில், ரோஹித் 39 பந்துகளில் 6 பவுண்டரிகள், 2 சிக்ஸர்களுடன் 57, சூர்யகுமார் 36 பந்துகளில் 4 பவுண்டரிகள், 2 சிக்ஸர்களுடன் 47 ரன்களுக்கு வீழ்ந்தனர்.
பின்னர் பேட் செய்தோரில் ஹர்திக் பாண்டியா 1 பவுண்டரி, 2 சிக்ஸர்களுடன் 23 ரன்களுக்கு வெளியேற, ஷிவம் துபே கோல்டன் டக் ஆனார். அக்ஸர் படேல் 1 சிக்ஸருடன் 10 ரன்களுக்கு வீழ்ந்தார்.ஓவர்கள் முடிவில் ரவீந்திர ஜடேஜா 2 பவுண்டரிகளுடன் 17, அர்ஷ்தீப் சிங் 1 ரன்னுடன் ஆட்டமிழக்காமல் இருந்தனர். இங்கிலாந்து பௌலர்களில் கிறிஸ் ஜோர்டான் 3, ரீஸ் டாப்லி, ஜோஃப்ரா ஆர்ச்சர், சாம் கரன், ஆதில் ரஷீத் ஆகியோர் தலா 1 விக்கெட் கைப்பற்றினர்.
பின்னர் 172 ரன்களை வெற்றி இலக்காகக் கொண்டு விளையாடிய இங்கிலாந்து அணியில், கேப்டன் ஜாஸ் பட்லர் 4 பவுண்டரிகளுடன் 23, ஃபில் சால்ட் 5, ஜானி பேர்ஸ்டோ 0 ரன்களுக்கு வெளியேற்றப்பட்டனர். மொயீன் அலி 8, சாம் கரன் 2 ரன்களுக்கு வீழ்ந்தனர். ஹேரி புரூக் 3 பவுண்டரிகளுடன் 25 ரன்கள் சேர்த்து பெவிலியன் திரும்ப, கிறிஸ் ஜோர்டன் 1 ரன்னுக்கு ஆட்டமிழந்தார்.
லியம் லிவிங்ஸ்டன் 11, ஆதில் ரஷீத் 2, ஜோஃப்ரா ஆர்ச்சர் 1 பவுண்டரி, 2 சிக்ஸர்களுடன் 21 ரன்களுக்கு ரன்களுக்கு சாய்க்கப்பட, இங்கிலாந்து ஆட்டம் நிறைவடைந்தது. இந்திய தரப்பில் அக்ஸர் படேல், குல்தீப் யாதவ் ஆகியோர் தலா 3, ஜஸ்பிரீத் பும்ரா 2 விக்கெட் கைப்பற்றினர்.
டி20 உலகக் கோப்பை போட்டியில் 10 ஆண்டுகளுக்குப் பிறகு இறுதிக்கு முன்னேறியது இந்தியா. இதற்கு முன் 2014-ஆம் ஆண்டு போட்டியில் இறுதிக்கு வந்த இந்தியா, அதில் இலங்கையிடம் தோற்றது. கடந்த 2022 உலகக் கோப்பை போட்டியில் அரையிறுதியில் இங்கிலாந்திடம் தோல்வி கண்ட இந்தியா, தற்போது அதே அணியை, அதே கட்டத்தில் வீழ்த்தி பதிலடி கொடுத்திருக்கிறது.
மக்கள் கருத்து
மேலும் தொடரும் செய்திகள்
![](/npic_s/cee1f86a3b75f70e97b71ad01e821a80/tnpb/small/rahuldravid-look_1725706758.jpg)
ராஜஸ்தான் ராயல்ஸ் அணியின் தலைமை பயிற்சியாளராக திராவிட் மீண்டும் நியமனம்
சனி 7, செப்டம்பர் 2024 4:29:41 PM (IST)
![](/npic_s/cee1f86a3b75f70e97b71ad01e821a80/tnpb/small/mongolia_1725693656.jpg)
டி-20' கிரிக்கெட்டில் 10 ரன்னில் சுருண்ட மங்கோலியா!
சனி 7, செப்டம்பர் 2024 12:50:27 PM (IST)
![](/npic_s/cee1f86a3b75f70e97b71ad01e821a80/tnpb/small/02bangla1_1725365533.jpg)
பாகிஸ்தான் டெஸ்ட் தொடரை வென்று வரலாறு படைத்தது வங்கதேசம்!
செவ்வாய் 3, செப்டம்பர் 2024 5:41:48 PM (IST)
![](/npic_s/cee1f86a3b75f70e97b71ad01e821a80/tnpb/small/paralymicsumeetmodi_1725345179.jpg)
பாராலிம்பிக்ஸ் ஈட்டி எறிதலில் தங்கம் வென்ற இந்திய வீரர் சுமித்துக்கு பிரதமர் வாழ்த்து!
செவ்வாய் 3, செப்டம்பர் 2024 12:00:09 PM (IST)
![](/npic_s/cee1f86a3b75f70e97b71ad01e821a80/tnpb/small/paralimi_1725015948.jpg)
பாரா ஒலிம்பிக்: துப்பாக்கிச் சுடுதலில் ஒரே நாளில் இந்தியாவுக்கு 2 பதக்கங்கள்
வெள்ளி 30, ஆகஸ்ட் 2024 4:33:52 PM (IST)
![](/npic_s/cee1f86a3b75f70e97b71ad01e821a80/tnpb/small/jaishahicc_1724840640.jpg)
டெஸ்ட் கிரிக்கெட்டுக்கு முன்னுரிமை: ஐசிசி தலைவர் ஜெய் ஷா உறுதி!
புதன் 28, ஆகஸ்ட் 2024 3:52:39 PM (IST)
![](/npic_s/cee1f86a3b75f70e97b71ad01e821a80/tnpb/small/womenscrick_1724758420.jpg)