டி-20 உலகக் கோப்பை: சூப்பர் 8 சுற்றில் இந்திய அணியின் போட்டிகள்!

» செய்திகள் - விளையாட்டு » விளையாட்டு

டி-20 உலகக் கோப்பை: சூப்பர் 8 சுற்றில் இந்திய அணியின் போட்டிகள்!

திங்கள் 17, ஜூன் 2024 3:44:24 PM (IST)

டி-20 உலகக் கோப்பை கிரிக்கெட் சூப்பர் 8 சுற்றில் இந்திய அணி வருகிற 20ஆம் தேதி ஆப்கானிஸ்தான் அணியை எதிர்கொள்கிறது.

அமெரிக்கா மற்றும் வெஸ்ட் இண்டீசில் நடைபெற்று வரும் 9-வது டி20 உலகக்கோப்பை தொடர் விறுவிறுப்பான கட்டத்தை எட்டியுள்ளது. கடந்த 1- ம் தேதி தொடங்கிய இந்த தொடரில் லீக் சுற்று இன்றுடன் நிறைவடைய உள்ளது. லீக் சுற்றில் தங்களது பிரிவில் முதல் 2 இடங்களை பிடித்த அணிகள் சூப்பர் 8 சுற்றுக்கு தகுதி பெற்றுள்ளன.

அதன்படி இந்தியா, ஆஸ்திரேலியா, வெஸ்ட் இண்டீஸ், அமெரிக்கா, இங்கிலாந்து, தென் ஆப்பிரிக்கா, வங்காளதேசம் மற்றும் ஆப்கானிஸ்தான் ஆகிய அணிகள் சூப்பர் 8 சுற்றுக்கு தகுதி பெற்றுள்ளன. சூப்பர் 8 சுற்று வரும் 19-ம் தேதி ஆரம்பமாக உள்ளது.

சூப்பர் 8 சுற்றுக்கு தகுதிபெற்றுள்ள அணிகள் 2 பிரிவுகளாக பிரிக்கப்பட்டுள்ளன. குரூப் 1 பிரிவில் முன்னாள் சாம்பியன்களான இந்தியா, ஆஸ்திரேலியா அணிகளுடன் வங்காளதேசம் மற்றும் ஆப்கானிஸ்தான் அணிகள் இடம்பெற்றுள்ளன. குரூப் 2 பிரிவில் நடப்பு சாம்பியன் இங்கிலாந்துடன், வெஸ்ட் இண்டீஸ், அமெரிக்கா மற்றும் தென் ஆப்பிரிக்கா ஆகிய அணிகள் இடம்பெற்றுள்ளன.

இதில் ஒவ்வொரு அணியும் தங்களது பிரிவில் உள்ள மற்ற அணிகளுடன் தலா 1 முறை மோதும். முடிவில் தங்களது பிரிவில் முதல் 2 இடங்களை பிடிக்கும் அணிகள் அரையிறுதிக்கு தகுதிபெறும்.

சூப்பர் 8 சுற்றில் இந்திய அணியின் போட்டிகள்:

1. இந்தியா v ஆப்கானிஸ்தான் - ஜூன் 20 (பார்படாஸ்)

2. இந்தியா v வங்காளதேசம் - ஜூன் 22 (ஆண்டிகுவா)

3. இந்தியா v ஆஸ்திரேலியா - ஜூன் 24 (எஸ்டி.லூசியா)

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து:

டி-20 உலகக் கோப்பை: சூப்பர் 8 சுற்றில் இந்திய அணியின் போட்டிகள்!

» செய்திகள் - விளையாட்டு » விளையாட்டு