தமிழகத்தில் மே 8 வரை கனமழைக்கு வாய்ப்பு: வானிலை ஆய்வு மையம் தகவல்!

» செய்திகள் - விளையாட்டு » தமிழகம்

தமிழகத்தில் மே 8 வரை கனமழைக்கு வாய்ப்பு: வானிலை ஆய்வு மையம் தகவல்!

சனி 2, மே 2026 5:31:32 PM (IST)

மேற்கு ராஜஸ்தான் முதல் குமரிக்கடல் வரை நிலவும் வளிமண்டல காற்றழுத்த தாழ்வுப் பாதை காரணமாக, தமிழகத்தின் பல மாவட்டங்களில் இன்று முதல் மே 8-ம் தேதி வரை பலத்த காற்றுடன் கூடிய கனமழை பெய்யக்கூடும் என்று சென்னை வானிலை ஆய்வு மையம் தெரிவித்துள்ளது.

மே 3 (நாளை): கோவை, திருப்பூர் மாவட்டங்களின் மலைப்பகுதிகள் மற்றும் தேனி, திண்டுக்கல் மாவட்டங்களில் கனமழை பெய்யக்கூடும்.

மே 4: நீலகிரி, கோவை, திருப்பூர், தேனி, திண்டுக்கல், ஈரோடு, சேலம், நாமக்கல், திருச்சி, அரியலூர், பெரம்பலூர், திருவண்ணாமலை, கரூர் மற்றும் கள்ளக்குறிச்சி மாவட்டங்களில் ஓரிரு இடங்களில் பலத்த மழைக்கு வாய்ப்புள்ளது.

மே 5 முதல் 7 வரை: மேற்கு தொடர்ச்சி மலை ஒட்டிய மாவட்டங்கள் மற்றும் தென் தமிழக மாவட்டங்களான கன்னியாகுமரி, திருநெல்வேலி, தென்காசி மற்றும் தூத்துக்குடியில் கனமழை பெய்ய வாய்ப்புள்ளது.

மே 8: நீலகிரி, கோவை உள்ளிட்ட 15-க்கும் மேற்பட்ட மாவட்டங்களில் பெரும்பாலான இடங்களில் கனமழை பெய்யக்கூடும்.

காற்று மற்றும் இடி மின்னல் எச்சரிக்கை:

மழை பெய்யும் சமயங்களில் மணிக்கு 30 முதல் 40 கி.மீ வேகத்தில் பலத்த காற்று வீசக்கூடும் என்பதால், இடி மற்றும் மின்னலின் போது பொதுமக்கள் பாதுகாப்பாக இருக்குமாறு அறிவுறுத்தப்பட்டுள்ளனர்.

வெப்பநிலை நிலவரம்:

தமிழகத்தில் நாளையும், நாளை மறுதினமும் (மே 3, 4) ஒருசில இடங்களில் அதிகபட்ச வெப்பநிலை இயல்பை விட 5 டிகிரி ஃபாரன்ஹீட் வரை கூடுதலாக இருக்கக்கூடும். இருப்பினும், மே 5-ம் தேதிக்கு பிறகு மழை காரணமாக வெப்பம் குறைந்து இயல்பான அளவை ஒட்டி இருக்க வாய்ப்புள்ளது.

சென்னை மற்றும் புறநகர் பகுதி:

சென்னையைப் பொறுத்தவரை வானம் ஓரளவு மேகமூட்டத்துடன் காணப்படும். அதிகபட்ச வெப்பநிலை 104 டிகிரி ஃபாரன்ஹீட் (40°C) மற்றும் குறைந்தபட்ச வெப்பநிலை 86 டிகிரி ஃபாரன்ஹீட் (30°C) அளவை ஒட்டி இருக்கும் எனத் தெரிவிக்கப்பட்டுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: