நெல்லை - சென்னை இடையே கோடை கால சிறப்பு ரயில்கள்; தெற்கு ரயில்வே அறிவிப்பு

» செய்திகள் - விளையாட்டு » தமிழகம்

நெல்லை - சென்னை இடையே கோடை கால சிறப்பு ரயில்கள்; தெற்கு ரயில்வே அறிவிப்பு

சனி 11, ஏப்ரல் 2026 8:29:33 AM (IST)

கோடை விடுமுறையை முன்னிட்டு பயணிகளின் நெரிசலைக் குறைக்கும் வகையில், திருநெல்வேலி - சென்னை எழும்பூர் மற்றும் தாம்பரம் இடையே சிறப்பு ரயில்கள் இயக்கப்படும் என்று தெற்கு ரயில்வே அறிவித்துள்ளது.

நெல்லை – சென்னை எழும்பூர் சிறப்பு ரயில் (06070 / 06069): நெல்லை - எழும்பூர் (06070): ஏப்ரல் 16, 23 மற்றும் 30 ஆகிய தேதிகளில் (வியாழக்கிழமை) இரவு 11:40 மணிக்கு நெல்லையிலிருந்து புறப்பட்டு சென்னை எழும்பூர் செல்லும்.

எழும்பூர் - நெல்லை (06069): ஏப்ரல் 17, 24 மற்றும் மே 1 ஆகிய தேதிகளில் மதியம் 1:25 மணிக்குச் சென்னை எழும்பூரிலிருந்து புறப்பட்டு நெல்லை வரும்.

நெல்லை – தாம்பரம் சிறப்பு ரயில் (06166 / 06165): நெல்லை - தாம்பரம் (06166): ஏப்ரல் 12 (நாளை), 19 மற்றும் 26 ஆகிய ஞாயிற்றுக்கிழமைகளில் இரவு 11:45 மணிக்கு நெல்லையிலிருந்து புறப்பட்டு தாம்பரம் செல்லும்.

தாம்பரம் - நெல்லை (06165): ஏப்ரல் 13, 20 மற்றும் 27 ஆகிய திங்கட்கிழமைகளில் மதியம் 1:55 மணிக்குத் தாம்பரத்திலிருந்து புறப்பட்டு நெல்லை வரும்.

இந்தச் சிறப்பு ரயில்களுக்கான முன்பதிவு தற்போது தொடங்கியுள்ளது. கோடை விடுமுறை மற்றும் தேர்தல் காலப் பயணங்களை முன்னிட்டு இந்த ரயில்கள் இயக்கப்படுவது தென் மாவட்டப் பயணிகளிடையே வரவேற்பைப் பெற்றுள்ளது.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: