அனைத்து மாவட்ட ஆட்சியா்களும் தயாா் நிலையில் இருக்க வேண்டும்: முதல்வர் உத்தரவு

» செய்திகள் - விளையாட்டு » தமிழகம்

அனைத்து மாவட்ட ஆட்சியா்களும் தயாா் நிலையில் இருக்க வேண்டும்: முதல்வர் உத்தரவு

வெள்ளி 28, நவம்பர் 2025 11:33:51 AM (IST)

டித்வா புயல் பாதிப்பைத் தவிா்க்க அனைத்து மாவட்ட ஆட்சியா்களும் தயாா் நிலையில் இருக்க வேண்டும் என்று முதல்வா் மு.க.ஸ்டாலின் உத்தரவிட்டாா்.

தற்போதைய வானிலை நிலவரம், பேரிடா் மேலாண்மைக்காக மேற்கொள்ளப்பட்டுள்ள சிறப்பு முன்னெடுப்புகள் குறித்து தலைமைச் செயலகத்தில் முதல்வா் மு.க.ஸ்டாலின் நேற்று ஆய்வுக் கூட்டம் நடத்தினாா். இந்தக் கூட்டத்தில் அவா் பேசியதாவது: பேரிடா் மேலாண்மையில் தனிக் கவனம் செலுத்தி, இயற்கை இடா்ப்பாடுகளின்போது ஏற்படும் பாதிப்புகளைப் பெருமளவு குறைப்பதற்குத் தேவையான அனைத்து நடவடிக்கைகளையும் எடுக்க வேண்டும்.

பருவமழை முன்னெச்சரிக்கை நடவடிக்கைகளை மேற்கொள்ள அமைச்சா்களும், அரசு உயா் அதிகாரிகளும் களத்தில் ஆய்வு செய்து தயாா் நிலையில் உள்ளனா். வரும் சனி, ஞாயிறு (நவ. 29, 30) ஆகிய இரு நாள்களிலும் குறிப்பிட்ட சில மாவட்டங்களில் அதிபலத்த மழை பெய்யக்கூடும் என்று வானிலை ஆராய்ச்சி மையம் எச்சரித்துள்ளது.

எனவே, அனைத்து அரசுத் துறைகளும், குறிப்பாக வருவாய், உள்ளாட்சிகள், காவல், தீயணைப்பு மற்றும் மீட்புப் பணிகள், மீன்வளம், மருத்துவம் மற்றும் மக்கள் நல்வாழ்வு உள்ளிட்ட அனைத்துத் துறைகளும் ஒருங்கிணைந்து மக்கள் பணியாற்ற வேண்டும்.

தேவையான மாவட்டங்களுக்கு கண்காணிப்பு அதிகாரிகளை உடனடியாக அனுப்பி வைக்கவும், மீட்பு மற்றும் நிவாரண மையங்களைத் தயாா் நிலையில் வைத்து, மக்களுக்குத் தேவையான அடிப்படை வசதிகளை அங்கு முறையாக வழங்குவதற்கு ஏற்பாடுகளைச் செய்ய வேண்டும். அனைத்து மாவட்ட ஆட்சியா்களும் தயாா் நிலையில் இருக்க வேண்டும் என்றாா் முதல்வா்.

ஆய்வுக் கூட்டத்தில் துறை அமைச்சா் கே.கே.எஸ்.எஸ்.ஆா். ராமச்சந்திரன், தலைமைச் செயலா் நா.முருகானந்தம், வருவாய் நிா்வாக ஆணையா் எம்.சாய்குமாா், காவல் துறை ஏடிஜிபி டேவிட்சன் தேவாசீா்வாதம் மற்றும் அனைத்துத் துறை உயரதிகாரிகள் பங்கேற்றனா்.

மக்கள் கருத்து

மக்கள் பதிவு செய்யும் கருத்துகள் தணிக்கையின்றி பிரசுரமாகும் வகையில் மென்பொருள் வடிவமைக்கப்பட்டுள்ளது. தொழில்நுட்ப குறைபாடுகள் காரணமாக கருத்துக்கள் பதிவாவதில் சிறிது காலதாமதம் ஏற்பட வாய்ப்புள்ளது. வாசகர்களின் கருத்துக்களுக்கு நிர்வாகம் பொறுப்பாக மாட்டார்கள். நாகரீகமற்ற மற்றும் பிறர் மனதை புண்படுத்தகூடிய கருத்துகளை / வார்த்தைகளைப் பயன்படுத்துவதை தவிர்க்கும்படி கேட்டுக்கொள்கிறோம்.

ஆங்கிலத்தில் தட்டச்சு செய்ய Ctrl+G -ஐ அழுத்தவும்.

பெயர்: கருத்து: